မေးခွန်း---- အကယ်၍ သားသမီးအပေါ်ထားတဲ့ မိဘရဲ့ချစ်ခြင်းက နေ့ရက်တိုင်းမှာ၁ကီလိုမီတာအကွာအဝေးရှိတယ်ဆိုရင် မိဘအပေါ်ထားတဲ့ သားသမီးရဲ့ စုစုပေါင်းချစ်ခြင်းကရော ဘယ်လောက်ရှိနိုင်မလဲ။
အဖြေ--- ၁ကီလိုမီတာဖြစ်ပါတယ်။
Proof--- အကယ်၍ သားသမီးအပေါ်ထားတဲ့ မိဘရဲ့ချစ်ခြင်းက နေ့ရက်တိုင်းမှာ၁ကီလိုမီတာအကွာအဝေးရှိတယ်။
ဒီလိုဆိုရင် တစ်နှစ်မှာ ၁ x ၃၆၅ရက် = ၃၆၅ ကီလိုမီတာရှိတယ်။
မိဘတွေရဲ့ပျမ်းမျှအသက်သက်တမ်းက ၈၅နှစ်ဆိုပါစို့။
ကျွန်မတို့ကိုမွေးဖွားချိန် (ပျမ်းမျှကလေးဖွားချိန်ဟာ အသက်၂၈နှစ်မှာဆိုရင်) ကနေ မိဘသေဆုံးသွားဆိုင်ထိဆိုရင် ၈၅-၂၈= ၅၇နှစ်ပဲ မိဘနဲ့ ကျွန်မတို့အတူနေရပါတယ်။
ဒီလိုဆိုရင် ကျွန်မတို့အပေါ် မိဘတွေထားတဲ့ချစ်ခြင်းက
၅၇ x ၃၆၅ = ၂ဝ၈ဝ၅ ကီလိုမီတာဖြစ်တယ်။ ဒါဟာ ကမ္ဘာကို တစ်ခြမ်းပတ်တဲ့ အကွာအဝေးလောက်ရှိတယ်။
ကျွန်မတို့အပေါ် မိဘတွေထားတဲ့ချစ်ခြင်းနဲ့ မိဘတွေအပေါ် ကျွန်မတို့ထားတဲ့ချစ်ခြင်းက အစတုန်းကတော့ ၂ဝ၈ဝ၅ ကီလိုမီတာချင်း အတူတူပါပဲ။
ဒါပေမယ့် ကျွန်မတို့ ပညာရှာကျောင်းနေဖို့အတွက်ဆိုပြီး အဲဒီချစ်ခြင်း ၂ဝ၈ဝ၅ ကို square root (နှစ်ခြမ်းခွဲ) လိုက်ရတယ်။
√ ၂ဝ၈ဝ၅ = ၁၄၄.၂၃၉၃၈ (ကီလိုမီတာပဲကျန်တယ်)
အဲဒီနောက် အလုပ်အကိုင်အတွက်ဆိုပြီး အဲဒီချစ်ခြင်းကိုခွဲလိုက်ရပြန်တယ်။
√ ၁၄၄.၂၃၉၃၈ = ၁၂.ဝဝ၉၉၇ (ကီလိုမီတာပဲကျန်တယ်)
အဲဒီနောက် အိမ်ထောင်ကျပြီး ကိုယ့်မိသားစုအဖြစ် တစ်အိုးတစ်အိမ်ထူထောင်လာခဲ့တဲ့အခါ အဲဒီချစ်ခြင်းကိုခွဲလိုက်ရပြန်တယ်။
√ ၁၂.ဝဝ၉၉၇ = ၃.၄၆၅၅၄ (ကီလိုမီတာပဲကျန်တယ်)
သားသမီးတွေရလာတဲ့အခါ သားသမီးတွေကို ပြုစုစောင့်ရှောက်ဖို့ဆိုပြီး မိဘတွေကို မကြည့်ရှုမစောင့်ရှောက်နိုင်ကြပြန်ဘူး။ ချစ်ခြင်းကို ထပ်ခွဲလိုက်ရပြန်တယ်။
√ ၃.၄၆၅၅၄ = ၁.၈၆၁၆ဝ (ကီလိုမီတာပဲကျန်တယ်)
ပြီးရင် လူမူရေး၊ စီးပွားရေး.. စတာတွေနဲ့ မိဘဆီပြန်ဖြစ်ချိန် နည်းလာခဲ့တယ်။ ချစ်ခြင်းကို ထပ်ခွဲလိုက်တယ်။
√ ၁.၈၆၁၆ဝ= ၁.၃၆၄၄ဝ (ကီလိုမီတာလေးပဲ ကျန်တော့တယ်)
ခရီးဝေးလို့၊ တိုင်းတစ်ပါးရောက်သွားလို့ဆိုပြီး ချစ်ခြင်းကို ထပ်ခွဲရပြန်တယ်။
√ ၁.၃၆၄၄ဝ = ၁.၁၆၈ဝ၈ (ကီလိုမီတာလေးပဲ ကျန်တော့တယ်)
ဘဝမှာ အခက်အခဲ၊ ကိုယ်ရေးကိုယ်တာ စိတ်ညစ်ဝမ်းနည်းတာတွေနဲ့ကြုံလာတဲ့အခါ ချစ်ခြင်းကိုထပ်ခွဲရပြန်တယ်။
√ ၁.၁၆၈ဝ၈ = ၁.ဝ၈ဝ၇၈ (ကီလိုမီတာလေးပဲ ကျန်တော့တယ်)
ကိုယ့်အိမ်ထောင် ကိုယ့်အပူနဲ့မို့ မိဘတွေကိုပေးနိုင်တဲ့အချိန်တွေ နည်းသထက်နည်းနည်းလာခဲ့တယ်။ ချစ်ခြင်းက ထပ်ခွဲခံရပြန်တယ်။
√ ၁.ဝ၈ဝ၇၈ = ၁.ဝ၃၉၆၁ (ကီလိုမီတာလေးပဲရှိတော့တယ်)
အဲဒီလို မိဘအပေါ်ထားတဲ့ ကျွန်မတို့ရဲ့ချစ်ခြင်း ဂရုစိုက်စောင့်ရှောက်ခြင်းက အခြေအနေ၊ အခက်အခဲ၊ အကြောင်းအမျိုးမျိုးကြောင့် လျော့နည်းလာခဲ့လို့ နောက်ဆုံးမှာ ၁ ကီလိုမီတာပဲကျန်ခဲ့တော့တယ်။
အချိန်နာရီတွေက ခြေသံတိတ် အညှာတာမဲ့စွာ ကျွန်မတို့အနား တစ်နှစ်ပြီးတစ်နှစ် ဖြတ်သန်းသွားခဲ့တယ်။ ကျွန်မတို့ရဲ့ ပညာရေး၊ လူမူရေး၊ စီးပွားရေးတွေက ရှေ့ဆက်ရာလမ်းမှာ မြားအလျင်လို တိုးတက်ပြေးလွှားနေချိန် မိဘတွေရဲ့ပါးပြင်ပေါ်မှာလည်း အရစ်အကြောင်းရာတွေ နက်သထက်နက်လာခဲ့တယ်။ အချိန်အများကြီးကျန်သေးတယ်၊ အခွင့်အရေးရှိသေးတယ်လို့ ကျွန်မတို့ထင်ကောင်းထင်တတ်ပေးမယ့် မိဘအပေါ်ထားတဲ့ ကျွန်မတို့ရဲ့ဂရုစိုက်စောင့်ရှောက်ခြင်းက တစ်သက်မှာ စုစုပေါင်း ၁ ကီလိုမီတာပဲရှိတာကို ကျွန်မတို့မေ့လျော့ခဲ့ကြတယ်။ အဲဒီ ၁ ကီလိုမီတာဟာ ကျွန်မတို့အပေါ် မိဘတွေထားတဲ့ တစ်ရက်စာချစ်ခြင်းနဲ့ပဲ ညီမျှနေခဲ့ပါတယ်။
ဒီပုစ္ဆာက တင်းကြပ်တဲ့ပုစ္ဆာတစ်ပုဒ်မဟုတ်ခဲ့ပေမယ့် ကျောင်းသားတိုင်း လေးလေးနက်နက်တွက်ချက်သင့်ပါတယ်။
မိဘတွေကို ဂရုစိုက်စောင့်ရှောက်ဖို့မမေ့ပါနဲ့။ ၁ကီလိုမီတာခရီးကို တစ်လှမ်းချင်း တစ်လှမ်းချင်းနဲ့ လက်တွေ့လုပ်ဆောင်နိုင်ပါစေ…
-----
မူရင်းလင့် -- http://www.85nian.net/chengzhang/18314.html
နိုင်းနိုင်းစနေ (April. 5. 2015)
