ခရစ္စမတ်ဘိုးဘိုး

ကလေးတွေဟာ “အရွယ်ရောက်ဖို့” ဒါမှမဟုတ် “အောင်မြင်ဖို့”၊ “ဖြစ်ထွန်းဖို့”ရှင်သန်နေကြတာမဟုတ်ပါဘူး။ ကနဦးဆုံး ကလေးတွေက“ကလေးဘဝ”နဲ့ ရှင်သန်နေကြသူတွေဖြစ်တယ်။ ကျွန်မတို့က ကျွန်မတို့ရဲ့ကလေးတွေကို အိန်ဂျယ်လုပ်ခဲ့ဖူးတဲ့အတွေ့အကြုံမျိုး ရှိစေရပါတယ်။ မွေးဖွားလာတာနဲ့ အတောင်ပံမဲ့သာမန်လူသားပဲ မလုပ်စေချင်ပါဘူး။

ကျွန်မတို့အိမ်မှာ ခရစ္စမတ်နေ့ဆိုတာ အရေးပါတဲ့နေ့တစ်နေ့ဖြစ်တယ်။ ကျွန်မတို့ရဲ့ ဘာသာရေးနဲ့ဆက်နွယ်မနေပေမယ့် ကစ်ကစ်အတွက်က နောက်ထပ်“ကလေးများနေ့”တစ်နေ့ဖြစ်ပါတယ်။ ကစ်ကစ်အသက်(၂)နှစ်ကျော်အရွယ်ကစပြီး နှစ်စဉ်နှစ်တိုင်း ခရစ္စမတ်နေ့မနက်မှာ လက်ဆောင်တစ်ခုခုရတတ်ပါတယ်။ လက်ဆောင်တိုင်းက လှလှပပထုပ်ပိုးထားတဲ့ သူနှစ်သက်တဲ့အရာတွေပဲဖြစ်တယ်။ စားစရာရှိသလို၊ ကစားစရာ၊ ဖတ်စရာတွေလည်းပါပါတယ်။ ဒီလက်ဆောင်ပစ္စည်းတွေကို တစ်ခါမှမမြင်ဖူးတဲ့အဘိုးအိုတစ်ဦးက ညသန်းခေါင်မှာ တိတ်တဆိတ်လာရောက် ပို့ဆောင်တာဆိုတော့ ဒါဟာ ကစ်ကစ်အတွက် ထူးဆန်းအံ့သြမှုတစ်ခုဖြစ်သလို ဝမ်းသာပျော်ရွှင်မှုလည်းဖြစ်ခဲ့ပါတယ်။ ပထမဆုံးအကြိမ် ကစ်ကစ်လက်ဆောင်ရတုန်းက လက်ဆောင်ကတ်ပေါ်က ခရစ္စမတ်ဘိုးဘိုးကိုပြပြီး ကစ်ကစ်ကိုလက်ဆောင်ပေးတဲ့အဘိုးအိုက ဒီအဘိုးအိုဖြစ်ကြောင်း၊ ကစ်ကစ်ကို သူအထူးနှစ်သက်ကြောင်း၊ နောက်နှစ်ခရစ္စမတ်တွေမှာလည်း လက်ဆောင်တွေပေးဦးမှာဖြစ်ကြောင်း ကစ်ကစ်ကိုကျွန်မတို့ပြောပြပါတယ်။ ကစ်ကစ် စိတ်လှုပ်ရှားပျော်ရွှင်သလို စိုးရိမ်စိတ်လည်းဝင်ပြီး နောက်နှစ်တွေမှာလက်ဆောင်ပေးဖို့ ခရစ္စမတ်ဘိုးဘိုး မေ့သွားတတ်မလားလို့ ကျွန်မတို့ကိုမေးပါတယ်။ ကလေးတွေကိုလက်ဆောင်ပေးဖို့ ခရစ္စမတ်ဘိုးဘိုးမမေ့တတ်ကြောင်း၊ သူတကယ်ရောက်လာမယ့်အကြောင်း ကျွန်မတို့ပြောပြပါတယ်။

စောင့်မျှော်နေရင်တစ်နှစ်ဆိုတဲ့အချိန်က ရှည်လျားတယ်လို့ထင်ရတယ်။ ခရစ္စမတ်ရာသီရောက်လာပြန်တဲ့အချိန်မှာ ကစ်ကစ်တစ်ယောက် စိတ်လှုပ်လှုပ်ရှားရှားနဲ့ ပါးစပ်ကလည်းတတွတ်တွတ် ရေရွတ်မဆုံးဖြစ်နေခဲ့တယ်။ ဒီနှစ်မှာ ခရစ္စမတ်ဘိုးဘိုး သူ့ကိုဘာလက်ဆောင်ပေးမလဲလို့ သူအကြိမ်ကြိမ်ခန့်မှန်းနေပါတယ်။ အိမ်ရှေ့မင်းသမီးလို ဂါဝန်ဝတ်ထားတဲ့ဘာဘီမလေးကို သူအထူးလိုချင်ကြောင်း၊ ခရစ္စမတ်ဘိုးဘိုးမှာ ဒီလိုလက်ဆောင်မျိုးရှိပါ့မလားလို့ သူ့ဆန္ဒကိုပြောနေတာ အကြိမ်များစွာရှိခဲ့ပါပြီ။ ခရစ္စမတ်ဘိုးဘိုးက ကလေးတွေရဲ့စိတ်ကိုခန့်မှန်းတတ်ကြောင်း၊ ကလေးတွေလိုချင်တာကို သူလက်ဆောင်ပေးတတ်ကြောင်း၊ ကစ်ကစ်ရဲ့အတွေးကို ခရစ္စမတ်ဘိုးဘိုး ခန့်မှန်းနိုင်မလားဆိုတာကို စောင့်ကြည့်ပါလို့ ကစ်ကစ်ကိုကျွန်မတို့ပြောပါတယ်။ ကစ်ကစ်က အပြင်မှာနှင်းမကျလို့ ခရစ္စမတ်ဘိုးဘိုးရဲ့စွတ်ဖား ဘယ်လိုမောင်းမလဲဆိုတာကို စိတ်ပူနေခဲ့သေးတယ်။ နှင်းမကျရင်လည်း ခရစ္စမတ်ဘိုးဘိုးရဲ့စွတ်ဖားက တိမ်ဖြူကြား၊ လေထုကြားမှာ ပျံသန်းနိုင်ကြောင်း စိတ်မပူဖို့ သူ့ကိုကျွန်မတို့ပြောပါတယ်။

ညအိပ်ချိန်ရောက်တော့ ကစ်ကစ်က သူမအိပ်ချင်ဘူး၊ ခရစ္စမတ်ဘိုးဘိုးကိုစောင့်မယ်လို့ ဆိုတယ်။ အိပ်ပျော်တဲ့ကလေးကိုမှ ခရစ္စမတ်ဘိုးဘိုးက လက်ဆောင်ပေးကြောင်း သူ့ကိုကျွန်မတို့ပြောတော့ ကစ်ကစ်လိမ်လိမ်မာမာနဲ့ အိပ်သွားပါတယ်။ ဒါတောင် သူနှစ်နှစ်ခြိုက်ခြိုက် အိပ်မပျော်ခဲ့ဘူး။ ဒီအသက်အရွယ်နဲ့ကလေးငယ်တစ်ယောက်ဟာ ကိစ္စရပ်တစ်ခုနဲ့ ပထမဆုံးအကြိမ် အိပ်ရေးပျက်သလိုဖြစ်ခဲ့ပါတယ်။
သူစိတ်လှုပ်ရှားအောင် အတတ်နိုင်ဆုံး ကျွန်မတို့မလုပ်ခဲ့တော့ပါဘူး။ သူငြိမ်ကျသွားအောင် သူနဲ့စကားသိပ်မပြောတော့ဘူး။ သူအိပ်ပျော်သွားမှ စက္ကူလှလှလေးတွေအမြန်ယူပြီး လက်ဆောင်ပစ္စည်းတွေကို ထုပ်ပိုးပါတယ်။ တချို့လက်ဆောင်ထုပ်ကို ဖဲကြိုးနဲ့စည်းတယ်။ ပြီးတော့ လက်ဆောင်ထုပ်တွေကို ကစ်ကစ်နှိုးလာတာနဲ့ တွေ့နိုင်တဲ့နေရာမှာ ထားထားလိုက်ပါတယ်။
မနက်နှိုးလာလို့ လက်ဆောင်ထုပ်ကိုတွေ့တာနဲ့ ကစ်ကစ်ဘယ်လောက်ပျော်သွားမယ်ဆိုတာကို ခန့်မှန်းကြည့်နိုင်ပါတယ်။ ခရစ္စမတ်ဘိုးဘိုး တကယ်ရောက်လာခဲ့ပြန်ပြီ။ ဒီနှစ်မှာ ခရစ္စမတ်ဘိုးဘိုး ဘာလက်ဆောင်များယူလာမလဲဆိုတာကို ကောင်မလေးတစ်ယောက် အဆောတလျင်သိချင်နေခဲ့တယ်။ လက်ဆောင်ထုပ်တစ်ထုပ်ကိုယူလိုက်ရင်း ချက်ချင်းမဖောက်ရက်ပြန်ဘူး။ အထုပ်ကို လှုပ်ကြည့်၊ နားထောင်ကြည့်ရင်း အထဲမှာ ဘာများရှိမလဲလို့ ခန့်မှန်းပြန်တယ်။ ကျွန်မတို့ကိုလည်း ခန့်မှန်းခိုင်းတယ်။ ပြီးမှ အထုပ်ကို ဂရုတစိုက်ဖွင့်ကြည့်တယ်။ ဒီလိုနည်းနဲ့ စိတ်လှုပ်ရှားအံ့သြဝမ်းသာတဲ့ခံစားချက်ကို သူဆွဲဆန့်ခဲ့ပါတယ်။

အထုပ်တစ်ထုပ်ချင်းစီကို ဖြည်လိုက်တိုင်း သူကြိုက်နှစ်သက်တဲ့အရာတွေ ဖြစ်နေတယ်။ ဂါဝန်နဲ့ဘာဘီရုပ်ကိုတွေ့သွားချိန် သူ့ရဲ့အံ့သြဝမ်းသာမှုက စကားလုံးနဲ့တင်စားလို့ မရနိုင်ခဲ့ပါဘူး။ သူ့ရဲ့အတွေးငယ်ငယ်ထဲမှာ ခရစ္စမတ်ဘိုးဘိုးရဲ့ထူးခြားဆန်းကြယ်မှုကို အံ့သြနေပါလိမ့်မယ်။ သူ့ကိုမတွေ့မမြင်ဖူးဘဲ ဘာကြောင့် သူလိုချင်တဲ့အရာတွေကို သိနေရသလဲ။

နှစ်စဉ်နှစ်တိုင်း ခရစ္စမတ်ဘိုးဘိုးပို့လာတဲ့လက်ဆောင်ထုပ်တွေက ၅မျိုး၊ ၆မျိုးလောက်ရှိတယ်။ လက်ဆောင်အားလုံးက ကစ်ကစ်နှစ်သက်တာတွေချည်းပဲ။ ကစ်ကစ်က ထူးဆန်းအံ့သြစွာနဲ့ ကျွန်မတို့ကိုမေးတယ်။ “ဒါတွေကို သမီးကြိုက်မှန်း ခရစ္စမတ်ဘိုးဘိုးက ဘယ်လိုသိတာလဲ”။ ကစ်ကစ်အမေးကို ကျွန်မတို့ကဒီလိုရှင်းပြတယ်။ “ဖေဖေမေမေတို့ကို သမီးပြောတဲ့အချိန် သူကြားသွားတာထင်တယ်”။

ခရစ္စမတ်မနက်ခင်းကို ကစ်ကစ်ကြိုက်နှစ်သက်တဲ့စိတ်က ကျွန်မတို့ငယ်ငယ်က နှစ်သစ်ကူးနေ့မနက်ကို ကြိုက်နှစ်သက်တဲ့စိတ်ထက် သာလွန်နေခဲ့တယ်။ ကျွန်မတို့ငယ်ငယ်က နှစ်သစ်ကူးမနက်မှာ အဝတ်အစားသစ်ဝတ်၊ မုန့်စား၊ ဗျောက်အိုးဖောက်ရဖို့ကို အမျှော်လင့်ကြီးမျှော်လင့်ခဲ့တယ်။ ကျွန်မတို့အတွက် မိခင်က ဘာအဝတ်အစားအသစ် ချုပ်ပေးမယ်၊ ဘာစားစရာပေးမယ်၊ ဘာတွေဆော့ကစားကြမယ်ဆိုတာကို ကျွန်မတို့သိနေခဲ့ပေမယ့် ဒါတွေကိုပဲ ကျွန်မတို့မက်မက်မောမောရှိခဲ့ကြတယ်။ ကစ်ကစ်အတွက် ခရစ္စမတ်မနက်ခင်းက စိတ်လှုပ်ရှားမှုတွေ၊ အံ့သြဝမ်းသာမှုတွေ၊ အဖြေကိုသိလိုစိတ်တွေနဲ့ ပြည့်နှက်လို့နေခဲ့ပါတယ်။

မူကြိုတက်ခဲ့တဲ့နှစ်တွေအတွင်းမှာ ကစ်ကစ်ဟာ လက်ညိုးလေးတစ်ချိုးချိုးနဲ့ နှစ်စကနေနှစ်ဆုံးကိုမျှော်နေခဲ့တယ်။ လပြည့်လကွယ်တွေကိုမျှော်ရင်း ခရစ္စမတ်ရာသီရောက်လာဖို့ကို စောင့်ခဲ့တယ်။ ဒီနေ့လေးကို ကလေးများနေ့၊ နှစ်သစ်ကူးနေ့တွေထက် သူစိတ်လှုပ်ရှားခဲ့တယ်၊ မျှော်လင့်ခဲ့တယ်။

ကိစ္စရပ်တစ်ခုကို ကစ်ကစ်အထူးအဆန်းဖြစ်နေတာကြာခဲ့ပြီ။ ဘာဖြစ်လို့ မူကြိုကျောင်းကတခြားကလေးတွေ လက်ဆောင်မရသလဲ။ ခရစ္စမတ်ဘိုးဘိုးက ဘာဖြစ်လို့ သူတို့ကိုလက်ဆောင်မပေးတာလဲ။ ဒီလိုအချိန်မှာ ကျွန်မတို့က ကစ်ကစ်ကို “ဖေဖေမေမေတို့ကစိတ်ထဲကနေပြီး ခရစ္စမတ်ဘိုးဘိုးကို ကစ်ကစ်က ချစ်စရာကောင်းတဲ့ကလေးလေးပါ။  နှစ်တိုင်းသူ့ကိုလက်ဆောင်ပေးဖို့ မမေ့ပါနဲ့နော်လို့ပြောတယ်”လို့ပြောပြပါတယ်။ ပြီးတော့ ကစ်ကစ်ကို “သမီးရဲ့သူငယ်ချင်းတွေကိုလည်း ပြောပြ။ သူတို့အိမ်ရောက်တဲ့အခါ ဒီအကြောင်းကို မိဘတွေကိုပြောပြခိုင်း၊ မိဘတွေရဲ့စိတ်ထဲမှာ ခရစ္စမတ်ဘိုးဘိုးကို အမြဲတိုင်တည်ပြီးပြောရင် ခရစ္စမတ်ဘိုးဘိုးကြားလိမ့်မယ်။ ဒီလိုဆိုရင် သူတို့လည်းလက်ဆောင်တွေရလိမ့်မယ်”လို့ ပြောပြပါတယ်။

အုပ်ထိန်းသူတွေသာ စိတ်ပါလက်ပါရှိမယ်၊ အချိန်နည်းနည်းပေးမယ်ဆိုရင် ကလေးတွေကို တမူထူးခြားတဲ့ အတွေ့အကြုံတွေပေးနိုင်ပါတယ်။ သူတို့ရဲ့ဘဝ၊ သူတို့ရဲ့လောကကို ထူးခြားဆန်းကြယ်မှုတွေနဲ့ အရောင်စုံစေနိုင်ပါတယ်။ ကလေးသူငယ်ဆိုတာ ဖြူစင်ရိုးသားတဲ့အိန်ဂျယ်လေးတွေပါ။ အိန်ဂျယ်လေးတွေရဲ့လောကမှာ ခရစ္စမတ်ဘိုးဘိုးဆို အမှန်တကယ်တည်ရှိပါတယ်။ သူတို့ကြီးပြင်းလို့ သာမန်လူဖြစ်လာချိန်မှ ခရစ္စမတ်ဘိုးဘိုးဆိုတာ ပျောက်ကွယ်သွားမှာဖြစ်ပါတယ်။ ထပ်လည်းထွက်ပေါ်လာတော့မှာ မဟုတ်ပါဘူး။

ကလေးတွေဟာ “အရွယ်ရောက်ဖို့” ဒါမှမဟုတ် “အောင်မြင်ဖို့”၊ “ဖြစ်ထွန်းဖို့”ရှင်သန်နေကြတာမဟုတ်ပါဘူး။ ကနဦးဆုံး ကလေးတွေက “ကလေးဘဝ”နဲ့ ရှင်သန်နေကြသူတွေဖြစ်တယ်။ ကျွန်မတို့က ကျွန်မတို့ရဲ့ကလေးတွေကို အိန်ဂျယ်လုပ်ခဲ့ဖူးတဲ့ အတွေ့အကြုံမျိုးရှိစေရပါတယ်။ မွေးဖွားလာတာနဲ့ အတောင်ပံမဲ့သာမန်လူသားပဲ မလုပ်ပါစေနဲ့။ ခရစ္စမတ်ဘိုးဘိုးပြန်သွားတာနဲ့ ကျွန်မနဲ့ကျွန်မအမျိုးသားက နောက်နှစ်တွေမှာ ဘာလက်ဆောင်တွေယူလာဦးမလဲလို့ ခန့်မှန်းကြတယ်။ ကလေးရဲ့စိတ်ဆန္ဒတစ်ခုတိုင်းကို ကျွန်မတို့အလေးအနက်ထားခဲ့ကြတယ်။ သူဘာလိုချင်သလဲလို့ အာရုံစိုက်ခဲ့တယ်။ ကုန်တိုက် ဒါမှမဟုတ် တခြားတစ်နေရာရာရောက်တိုင်း ခရစ္စမတ်လက်ဆောင်အဖြစ် ပေးလို့ရတဲ့ပစ္စည်းတွေကို သတိထားကြည့်ခဲ့တယ်။ သင့်တော်တဲ့ပစ္စည်းတွေ့ရင် ဝယ်သိမ်းထားလိုက်တယ်။ ကစ်ကစ်ကိုတော့ ပေးမတွေ့စေခဲ့ပါဘူး။ တစ်ခါတလေမှာ ကစ်ကစ်က သူလိုချင်တာကိုပြောတတ်တယ်။ အဲဒီအခါမှာ ကျွန်မတို့က ကုန်တိုက်သွားချိန်မရှိဘူး ဒါမှမဟုတ် ကျောင်းပိတ်ရက်မှထွက်ဝယ်မယ်၊ ပစ္စည်းကဈေးကြီးတယ်၊ ဈေးပေါတဲ့နေရာမှာသွားဝယ်မယ်လို့ ဆင်ခြေပေးတယ်။ နောက်တော့ ကျွန်မတို့သွားမဝယ်ရသေးခင် “ခရစ္စမတ်ဘိုးဘိုး”က အရောက်လာပို့သွားခဲ့တယ်။

ကစ်ကစ်ရဲ့အကြည့်ထဲမှာ ဒီအဘိုးအိုက သဘောကောင်းလွန်းနေတယ်၊ သည်းခံစိတ်ကောင်းလွန်းနေခဲ့ပါတယ်။

တစ်နှစ်မှာ ကစ်ကစ်ဟာကစားရင်း ဘာဘီရုပ်လေးမှာချစ်သူမရှိဘူး ဘာဘီ့ကိုချစ်သူရှာပေးချင်တယ်လို့ဆိုလာပါတယ်။ ကစ်ကစ်ကိုခေါ်ပြီး ကစားစရာရောင်းတဲ့နေရာမှာ ကျွန်မတို့အကြိမ်ကြိမ်ပတ်ရှာခဲ့ပေမယ့် ယောက်ျားဘာဘီရုပ်ကို ရှာမတွေ့ခဲ့ပါဘူး။

ခရစ္စမတ်ရောက်ခါနီးမှာ ယောက်ျားဆန်တဲ့ဘာဘီရုပ်တစ်ရုပ်ကို ကျွန်မဝယ်ပြီး ဆံပင်တိုတိုညှပ်ပေးလိုက်တယ်။ ပြီးတော့ ဦးထုပ်တစ်လုံးနဲ့ ယောက်ျားဝတ်အင်္ကျီတစ်စုံချုပ်ပြီး ဘွတ်ဖိနပ်ရှည်စီးပေးလိုက်တယ်။ ဘာဘီမလေးက ယောကျာ်းဘာဘီဖြစ်သွားပါတော့တယ်။ ဒီလိုချုပ်လုပ်တာကို ကစ်ကစ်မသိအောင် ကစ်ကစ်အိပ်ချိန်မှာပဲ ကျွန်မလုပ်ခဲ့တာဖြစ်ပါတယ်။

ခရစ္စမတ်နေ့မနက် ဘာဘီမလေးရဲ့“ကြင်ယာတော်”ထွက်ပေါ်လာချိန်မှာ ကစ်ကစ်အံ့သြဝမ်းသာသွားခဲ့တယ်။ ကိုယ်တိုင်ဝယ်လို့တောင်မရတဲ့အရာကို ခရစ္စမတ်ဘိုးဘိုး ပို့လာလိမ့်မယ်လို့ သူထင်တောင်ထင်ခဲ့ပုံမရပါဘူး။

ဒါပေမယ့် သိပ်မကြာပါဘူး… ဘာဘီရုပ်ဆောင်းထားတဲ့ဦးထုပ်က သူ့ရဲ့ဂါဝန်ဟောင်းတစ်ထည်ရဲ့အစနဲ့ တူနေတာကို ကစ်ကစ်သတိထားမိလိုက်ပါတယ်။ ဘာဘီရုပ်ရဲ့အင်္ကျီနဲ့ဘောင်းဘီအစကလည်း သိပ်မကြာခင်ကမှ အပ်ချုပ်ဆိုင်မှာ မေမေချုပ်ခဲ့တဲ့ အညိုရောင်ဂါဝန်စနဲ့ တူနေခဲ့တယ်။ ဒါကို ကျွန်မက “ဟုတ်သားပဲ… ဘာလို့ဒီလောက်တိုက်ဆိုင်နေပါလိမ့်”လို့ အံ့သြဟန်ဆိုခဲ့ပါတယ်။ ဒီလိုနဲ့ များသထက်များတဲ့သဲလွန်စတွေနဲ့ ခရစ္စမတ်ဘိုးဘိုးဆိုတာ ဘယ်သူလဲဆိုတာကို သူသိသွားလိမ့်မယ်ဆိုတာ ကျွန်မသိနေခဲ့တယ်။ ဒါပေမယ့် ကိစ္စမရှိပါဘူး.. သိချိန်တန်ချိန်မှာ သူသိသွားပါစေလေ။

တကယ်လည်း ကစ်ကစ်ဟာနည်းနည်းကြီးလာတာနဲ့ ခရစ္စမတ်ဘိုးဘိုး တကယ်ရှိမရှိဆိုတာကို စသံသယရှိလာခဲ့ပါတယ်။
ကစ်ကစ်ဟာ မူကြိုတန်းကြီးတက်နေချိန်မှာ လက်ဆောင်တွေရတိုင်း သူ့အတန်းဖော်တွေကိုလည်း လက်ဆောင်ရ မရမေးခဲ့တယ်။ အတန်းဖော်တွေကိုလည်း အိမ်ပြန်ရောက်ရင် ကိုယ့်မိဘတွေကိုပြောပြပါ၊ ခရစ္စမတ်ဘိုးဘိုးကို စိတ်ထဲမှာတိုင်တည်ပါလို့ သူပြောပြထားရက်နဲ့ ဘာဖြစ်လို့ ခရစ္စမတ်ဘိုးဘိုးက သူတို့ကိုလက်ဆောင်မပေးတာလဲဆိုတာကို ကစ်ကစ်နားမလည်ခဲ့ဘူး။ နောက်ဆုံးမှာ ဆရာမက “ခရစ္စမတ်ဘိုးဘိုးဆိုတာ တကယ်မရှိပါဘူး။ ဒါက ကစ်ကစ်မေမေ ကစ်ကစ်ကိုညာနေတာ”လို့ပြောပြတော့ ကစ်ကစ်က အိမ်ပြန်ရောက်ချိန် စိတ်တိုတိုနဲ့ ခရစ္စမတ်ဘိုးဘိုးဆိုတာ တကယ်ရှိမရှိ ကျွန်မကိုမေးတော့တယ်။ ကျွန်မကလည်း “ရှိပါတယ်၊ နှစ်တိုင်းကစ်ကစ်ကိုတောင် လက်ဆောင်ပေးနေတာပဲ။ ဖေဖေနဲ့မေမေက ညနက်သန်းခေါင်မှာ ဘယ်လိုလုပ်ပြီး လက်ဆောင်ထွက်ဝယ်နိုင်မလဲ” လို့ပြောခဲ့တယ်။

လူတစ်ယောက်ရဲ့ကလေးဘဝက ဒီလောက်ပဲ တိုတောင်းလေသလား။ သူ့ရဲ့ကလေးဘဝပျော်ရွှင်ခြင်းကို ကျွန်မဆွဲဆန့်ပေးချင်လိုက်တာ။ ဒဏ္ဍာရီဆန်ဆန်ကလေးဘဝတစ်ခုကို အဆောတလျင် သူလက်လွှတ်ဆုံးရှုံး မသွားစေချင်ခဲ့သေးပါဘူး။

ကျွန်မဆီကအတည်ပြုချက်ကိုရလို့ ကစ်ကစ်စိတ်ချလက်ချရှိသွားတယ်ဆိုပေမယ့် အဲဒီအချိန်ကစပြီး ခရစ္စမတ်ဘိုးဘိုး တကယ်ရှိမရှိဆိုတဲ့အပေါ် သူသံသယစဝင်ခဲ့ပါတယ်။ မူလတန်းကျောင်းစတက်ချိန်မှာ ခရစ္စမတ်ဘိုးဘိုးဆိုတာ စိတ်ကူးယဉ်သက်သက်ဆိုတာကို သူသိသွားပြီးတဲ့နောက် ခရစ္စမတ်ဘိုးဘိုးတကယ်ရှိ၊မရှိဆိုတဲ့မေးခွန်းကို သူလုံးဝမမေးခဲ့တော့ပါဘူး။

အဲဒီနောက်ပိုင်း ကျွန်မတို့ရဲ့နိုးကြားမှုလည်း တဖြေးဖြေးပြေလျော့လာခဲ့ပြီး စိတ်လွတ်ကိုယ်လွတ် ပြောဆိုလာခဲ့တော့တယ်။ မှတ်မိပါသေးတယ်.. ကစ်ကစ် ဒုတိယတန်းတုန်းက ခရစ္စမတ်လက်ဆောင်အဖြစ် ဘိုမရုပ်လေးတစ်ရုပ်ရခဲ့တယ်။ အဲဒီဘိုမရုပ်ကို ကစ်ကစ်အရမ်းသဘောကျတော့ ကျွန်မစိတ်လွတ်ကိုယ်လွတ်နဲ့ “ဒီလောက်လှတဲ့ဘိုမရုပ်က ဒေါ်လာ(၈ဝ)ပဲပေးရတယ်။ ဟိုကုန်တိုက်မှာရောင်းတဲ့ဘိုမရုပ်က ဒီလောက်တောင်မလှဘူး.. ဒေါ်လာ(၁၂ဝ)တောင်။ ဆိုင်ငယ်တွေက ပိုတောင်ဈေးပေါနေသေးတယ်”လို့ ပြောလိုက်မိပါတယ်။

လွှတ်ခနဲပြောမိတဲ့စကားကို ကျွန်မအားတုန့်အားနာဖြစ်မိတယ်။ ကစ်ကစ်က ဘာမှမဖြစ်ဟန်နဲ့ “ခရစ္စမတ်ဘိုးဘိုးက ဆိုင်တကာပတ်ပြီး ဘယ်ဆိုင်ဈေးပေါလဲ လိုက်ကြည့်နေတာပဲနော်”လို့ ရယ်ပြီးပြောတော့တယ်။

ခရစ္စမတ်မှာဖြစ်ပျက်တဲ့ ထူးဆန်းအံ့သြမှုတွေက ဘယ်လိုဖြစ်ပျက်ခဲ့တယ်ဆိုတာကို နောက်ပိုင်းမှာ ကစ်ကစ်သိလာခဲ့တယ်။ ဒါကို သူထုတ်ဖော်မပြောသလို ကျွန်မတို့လည်း တိုက်ရိုက်မပြောဖြစ်ခဲ့ဘူး။ ဒီ “ခရစ္စမတ်ဘိုးဘိုး”ဆိုတာ ကျွန်မတို့အားလုံးရဲ့ ပျော်ရွှင်မှု၊ ကျွန်မတို့အားလုံးရဲ့ စိတ်ကူးအိပ်မက်ဖြစ်တယ်။ ဒါကြောင့် ဒီလျှို့ဝှက်ချက်ကို ကျွန်မတို့အားလုံး ထိန်းသိမ်းထားခဲ့ကြတယ်။

ကစ်ကစ်(၉)နှစ်အရွယ်မှာ သူ့အဘွားအိမ်ကို ကျွန်မတို့အလည်ရောက်ခဲ့တယ်။ တစ်နေ့နေ့လယ်မှာ ရေချိုးခန်းမှာ ကျွန်မခေါင်းလျှော်နေတုန်း ကစ်ကစ်ကသူ့ဘွားဘွားကို “ဒါက သမီးကို ခရစ္စမတ်ဘိုးဘိုးပေးထားတာ”လို့ ပြောနေသံကို ကျွန်မကြားလိုက်တယ်။ ကစ်ကစ်အပြောကို သူ့ဘွားဘွားက “ဒီခရစ္စမတ်ဘိုးဘိုးက နှစ်တိုင်းငါ့မြေးကို လက်ဆောင်တွေပေးနေတာပဲ။ သူက ဘယ်မှာနေတာလဲ”လို့ဆိုတော့ ကစ်ကစ်က “အခု ရေချိုးခန်းမှာ ခေါင်းလျှော်နေတာလေ”လို့ ဆိုတယ်။ ကစ်ကစ်အပြောကို တစ်အိမ်သားလုံး ရယ်ခဲ့ကြတယ်။

ကလေးငယ်တွေက ကြီးပြင်းကြမှာပဲ။ ငယ်ဘဝဆိုတာလည်း ပျောက်ကွယ်သွားမှာပဲ။ ခရစ္စမတ်ဘိုးဘိုး၊ ကလေးဘဝဆိုတာတွေက သူတို့နဲ့ တဖြေးဖြေးဝေးကွာသွားကြလိမ့်မယ်ဆိုတာ ကျွန်မတို့သိပေမယ့် ဒီလို ငယ်ဘဝပျော်ရွှင်မှုလေးကို ကျွန်မတို့ ဆွဲဆန့်ချင်ခဲ့ကြသေးတယ်လေ…

အလယ်တန်းရောက်တော့ ကစ်ကစ်ရင့်ကျက်သထက် ရင့်ကျက်လာခဲ့ပါတယ်။ ကျွန်မတို့လည်း နှစ်စဉ်နှစ်တိုင်း ခရစ္စမတ်နေ့ရက်မှာ သူ့ကိုလက်ဆောင်တွေပေးနေဆဲပါပဲ။ ဒါပေမယ့် ငယ်ငယ်တုန်းကလို “ကလေးကစားစရာ”တွေ ပေးလို့မရတော့ဘူး။ ဒါကြောင့် နည်းနည်းအဖိုးတန်ပြီး အသုံးဝင်တဲ့ပစ္စည်းမျိုး စပေးတော့တယ်။ ဥပမာ- CD စက်၊ အဝတ်အစားတွေဖြစ်တယ်။ “ခရစ္စမတ်ဘိုးဘိုးပေးတဲ့လက်ဆောင်”အနေနဲ့ ကျွန်မတို့ပေးနေတုန်းပါပဲ။ တကယ်လို့ ခရစ္စမတ်နေ့ရက်က ရုံးပိတ်ရက်မဟုတ်ခဲ့ရင် ခရစ္စမတ်ရက်နဲ့နီးတဲ့ ရုံးပိတ်ရက်တစ်ရက်ရက်မနက်ပိုင်းကိုရွေးပြီး ကျွန်မတို့လက်ဆောင်ပေးပါတယ်။ ခရစ္စမတ်ရက်ကျော်သွားမှပေးတာမျိုး မလုပ်ခဲ့ဘူး။ ဘယ်လိုပဲဖြစ်ဖြစ် နှစ်စဉ်နှစ်တိုင်းရဲ့ ခရစ္စမတ်မှာ ကစ်ကစ်အတွက် အံ့သြဝမ်းသာမှုတွေပြည့်ခဲ့ပါတယ်။

“ခရစ္စမတ်ဘိုးဘိုး”နှစ်တိုင်းလာတယ်ဆိုတဲ့ ရည်ရွယ်ချက်က လက်ဆောင်ပစ္စည်းရဖို့အတွက်မဟုတ်ပါဘူး။ အံ့သြဝမ်းသာမှုအတွက်ဖြစ်ပါတယ်။ ဒီလိုအံ့သြဝမ်းသာမှုကို တန်ဖိုးထားပျော်ရွှင်ခံစားဖို့ပဲဖြစ်ပါတယ်။

တစ်ခါက ကစ်ကစ်(၅)တန်းလောက်တုန်းကထင်ပါတယ်။ ကျွန်မနဲ့သူ့ဖေဖေအလုပ်များတာကြောင့် ကစ်ကစ်အတွက် ခရစ္စမတ်လက်ဆောင်ကို အချိန်မီမဝယ်နိုင်ခဲ့ဘူး။ ဒါဟာ ၁ဝနှစ်အတွင်းမှာ ပထမဆုံးအကြိမ်ဖြစ်ခဲ့တာပါ။ ကစ်ကစ်ကို ရုံးပိတ်ရက်အပြင်ခေါ်ထွက်လည်တော့ သူ့ကိုမုန့်ဖို့တချို့ပေးပြီး ခရစ္စမတ်ဘိုးဘိုးကိုယ်စား ကိုယ်ကိုယ်တိုင် ကြိုက်တဲ့လက်ဆောင်ဝယ်ပါလို့ ပြောလိုက်တယ်။ ကစ်ကစ်အရွယ်ရောက်လာတော့ အဲဒီအကြိမ်ဟာ သူ့အတွက် အဓိပ္ပာယ်မရှိဆုံးခရစ္စမတ်လို့ဆိုခဲ့ပါတယ်။ ကုန်တဲ့ပိုက်ဆံချင်းအတူတူ ဝယ်တဲ့လက်ဆောင်ချင်းအတူတူ နည်းလမ်းမတူတော့ ရတဲ့ပျော်ရွှင်မှုကလည်း မတူဘူးလို့ဆိုပါတယ်။

ကစ်ကစ်ငယ်ငယ်က သူမက်တဲ့အိပ်မက်အကြောင်း ကျွန်မတို့ကို မကြာခဏပြောပြလေ့ရှိတယ်။ သူမက်တဲ့အိပ်မက်က ဒဏ္ဍာရီဆန်ဆန်နဲ့ ထူးဆန်းလှပတယ်။ ကျွန်မ မမှတ်သားခဲ့မိတာကို နောင်တရမိပါတယ်။ လှပတဲ့သူ့အိပ်မက်တွေက သူဖတ်ဖူးတဲ့ပုံပြင်စာအုပ်ထဲကနေ ဖြစ်လာတာရှိသလို ခရစ္စမတ်ဘိုးဘိုးကြောင့် ဖြစ်တာလည်းရှိခဲ့တယ်။ လှပတဲ့အိပ်မက်အမြဲမက်တတ်တဲ့ ကလေးငယ်တစ်ယောက်ရဲ့ငယ်ဘဝက ပျော်ရွှင်ခြင်းတွေနဲ့ပြည့်နေမှာပါပဲ။ နှစ်စဉ်နှစ်တိုင်းလာတဲ့ခရစ္စမတ်
ဘိုးဘိုးက ကစ်ကစ်ရဲ့ငယ်ဘဝကို တမူထူးခြားစေခဲ့သလို မိဘရဲ့ချစ်ခြင်းမေတ္တာကိုလည်း လေးလေးနက်နက်ခံစားစေခဲ့ပါတယ်။ ပြီးတော့ သူတစ်ပါးကို ဘယ်လိုအံ့သြဝမ်းသာမှု၊ ဘယ်လိုပျော်ရွှင်မှုတွေ ပေးဝေနိုင်ကြောင်း သူ့ကိုသင်ယူစေခဲ့ပါတယ်။ သူ့သူငယ်ချင်းမွေးနေ့တွေမှာ ကစ်ကစ်ဟာ မွေးနေ့လက်ဆောင်တွေကို အထူးအာရုံစိုက်ပြီး ရွေးချယ်ခဲ့တယ်။ ကစ်ကစ်ဟာ တစ်ခါတလေမှာ ကျွန်မနဲ့သူ့ဖေဖေကို ထူးဆန်းအံ့သြမှုတွေဖြစ်အောင် လုပ်ဆောင်ခဲ့တတ်သေးတယ်။ ကျွန်မအသက်(၄ဝ)မွေးနေ့မှာ ကစ်ကစ်က မနက်ကျောင်းသွားရင် သူစက်ဘီးစီးမသွားချင်ဘူး၊ ဘတ်စ်ကားနဲ့သွားမယ်လို့ ဆိုပါတယ်။ ဘတ်စ်ကားစီးရင် အချိန်ကုန်လူပမ်းတာမို့ သူဘာဖြစ်လို့ ဘတ်စ်ကားစီးချင်မှန်း ကျွန်မချက်ချင်းအတွေးမပေါက်ခဲ့ဘူး။ ညနေကျောင်းဆင်းပြန်တော့ ပန်းစည်းကြီးတစ်စည်း သူသယ်ပြန်လာခဲ့တယ်။ စက်ဘီးမှာရှေ့ခြင်းမရှိလို့ ပန်းစည်းသယ်ရလွယ်အောင် သူဘတ်စ်ကားစီးခဲ့တာဖြစ်တယ်။ အဲဒီနေ့က သူ့ဖေဖေရောကျွန်မပါ ကျွန်မရဲ့မွေးနေ့ဆိုတာကိုမေ့နေခဲ့တယ်။ ကစ်ကစ်က အဲဒီလိုနည်းနဲ့ ကျွန်မတို့ကို အံ့သြဝမ်းသာအောင် လုပ်ခဲ့တာဖြစ်တယ်။

ကစ်ကစ်တက္ကသိုလ်တက်တော့ ကျွန်မတို့က သူ့ကို ခရစ္စမတ်လက်ဆောင် ယူဦးမလားလို့မေးတယ်။ သူက ယူမယ်လို့ဆိုတယ်။ အသက်ဘယ်လောက်အထိ လက်ဆောင်ယူနေဦးမှာလဲလို့ ထပ်မေးတော့ အသက်“၈ဝအထိ”တဲ့။ ကျွန်မတို့ရယ်မိကြတယ်။ ခရစ္စမတ်ဘိုးဘိုးက မြောက်ဝင်းရိုးစွန်းကနေ ကစ်ကစ်ရှိတဲ့အရပ်ဆီ နှစ်စဉ်နှစ်တိုင်း ခရီးနှင်ရဦးမယ်ထင်ပါတယ်။

အထူးဂရုပြုရမည့်အချက်

အုပ်ထိန်းသူတွေက စိတ်ပါလက်ပါရှိမယ်၊ အချိန်နည်းနည်းပေးမယ်ဆိုရင် ကလေးတွေကို တမူထူးခြားတဲ့အတွေ့အကြုံတွေ ပေးနိုင်ပါတယ်။ သူတို့ရဲ့ဘဝ၊ သူတို့ရဲ့လောကကို ထူးခြားဆန်းကြယ်မှုတွေနဲ့ အရောင်စုံစေနိုင်ပါတယ်။ ကလေးသူငယ်ဆိုတာ ဖြူစင်ရိုးသားတဲ့အိန်ဂျယ်လေးတွေပါ။ အိန်ဂျယ်လေးတွေရဲ့လောကမှာ ခရစ္စမတ်ဘိုးဘိုးဆို အမှန်တကယ်တည်ရှိပါတယ်။ သူတို့ကြီးပြင်းလို့ သာမန်လူဖြစ်လာချိန်မှ ခရစ္စမတ်ဘိုးဘိုးဆိုတာ ပျောက်ကွယ်သွားမှာဖြစ်ပါတယ်။ ထပ်လည်းထွက်ပေါ်လာတော့မှာ မဟုတ်ပါဘူး။ “ခရစ္စမတ်ဘိုးဘိုး”နှစ်တိုင်းလာတယ်ဆိုတဲ့ ရည်ရွယ်ချက်က လက်ဆောင်ပစ္စည်းရဖို့အတွက်မဟုတ်ပါဘူး။ အံ့သြဝမ်းသာမှုအတွက်ဖြစ်တယ်။ ဒီလိုအံ့သြဝမ်းသာမှုကို တန်ဖိုးထား ပျော်ရွှင်ခံစားဖို့ပဲဖြစ်ပါတယ်။


ပညာရေးပါရဂူ၊ ပညာရေးအရာရှိ၊ အခုလက်ရှိ မိသားစုပညာရေးလေ့လာဆန်းစစ်သူ၊ မေးမြန်းသူအဖြစ် တာဝန်ထမ်းဆောင်နေသူ ဆရာမ “Yin Jian Li” ရဲ့ “မိခင်ကောင်းက ဆရာသမားကောင်းထက်သာလွန်တယ်”ဆိုတဲ့စာအုပ်ကို ဆီလျှော်အောင် ဘာသာပြန်ပါတယ်။

နိုင်းနိုင်းစနေ

Posted in: ၀ိညာဉ်ရေး