သိပ်မကြာခင်ကာလက ကနေဒါနိုင်ငံကို ကျွန်မအလည်အပတ်ရောက်ခဲ့ပါတယ်။
ကနေဒါမှာ အနေကြာပြီဖြစ်တဲ့ ဦးလေးက ကျွန်မကို Quebec ပြည်နယ်က
Montrealမြို့ဆီ ကားမောင်းပြီး လိုက်ပို့ပါတယ်။
ဦးလေးက ကားအရှိန်ကိုဖြည်းဖြည်းချင်းလျော့ချလိုက်မှ ကားကပြန်ငြိမ်သွားပါတယ်။ ကားလမ်းရှေ့ ဘေးတစ်နေရာမှာ “သတ်မှတ်မိုင်နှုန်း ၇ဝ”လို့ သတိပေးထားတဲ့ ဆိုင်းဘုတ်ကို ကျွန်မတွေ့လိုက်ပါတယ်။
“ဒီလမ်းက အထူးစီမံထားတဲ့လမ်းလား… ဘာဖြစ်လို့ သတ်မှတ်မိုင်နှုန်းထက်မြန်ရင် ကားကရမ်းသွားရသလဲ”လို့ ကျွန်မ တအံ့တသြမေးမိပါတယ်။
ဦးလေးက ခေါင်းတဆတ်ဆတ်ညိတ်ပြီး အဝေးပြေးလမ်းမနဲ့ပတ်သက်တဲ့ အကြောင်းအရာတချို့ကို ပြောပြပါတော့တယ်။
ကနေဒါမှာ မြို့တိုင်းကို အဝေးပြေးလမ်းမတွေနဲ့ ချိတ်စပ်ဆက်သွယ်ထားပါတယ်။ အဲဒီအဝေးပြေးလမ်းမပေါ်မှာ ကားအမြန်မောင်းလို့ မဖြစ်သင့်တဲ့ကြေကွဲဖွယ်ဖြစ်ရပ်တွေ အမြဲဖြစ်ပွားခဲ့ဖူးပါတယ်။ သတ်မှတ်မိုင်နှုန်းထက်ပိုမမောင်းအောင် ကနေဒါအစိုးရက လမ်းဘေးနှစ်ဖက်မှာ ကင်မရာတွေအများအပြား တပ်ဆင်ခဲ့ဖူးပါတယ်။ စည်းကမ်းမလိုက်နာတဲ့ယာဉ်တွေကို အပြစ်ပေးဒဏ်ငွေဆောင်ခိုင်းတာမျိုး လုပ်ခဲ့ပါတယ်။ အစိုးရဝင်ငွေတိုးခဲ့ပေမယ့် မတော်တဆမှုက လျော့မသွားခဲ့ပါဘူး။
ဒီလိုအခြေအနေမျိုးက ပြည်သူတွေအတွက် အငြင်းပွားစရာဖြစ်လာခဲ့ပါတယ်။ ပြည်သူတွေက အစိုးရကို အမြန်နှုန်းဟာယာဉ်မောင်းသူနဲ့ပဲဆိုင်တယ်လို့ မသတ်မှတ်သင့်ကြောင်း၊ ဒဏ်ပေးစနစ်နဲ့ပဲ အမြန်နှုန်းကိုမသတ်မှတ်သင့်ကြောင်း အကြံပေးကြတယ်။ လမ်းဒီဇိုင်းနဲ့ အဝေးပြေးလမ်းမ တိုးတက်ကောင်းမွန်အောင် လုပ်သင့်တယ်။ ကားတွေကို ပြုပြင်ပြီး အဲဒီကားတွေဟာ သတ်မှတ်မိုင်နှုန်းထက်ပိုမောင်းရင် လမ်းမပေါ်မှာ နဂိုအတိုင်းမောင်းနှင်လို့မရတာမျိုးနဲ့ သတ်မှတ်မိုင်နှုန်းထက်ကျော်မောင်းတာကို တားဆီးသင့်တယ်။ အဲဒီလိုအကြံပြုချက်ကို အစိုးရက အတည်ပြုခဲ့ပါတယ်။ နောက်ပိုင်းမှာ မတော်တဆမှုတွေ တစ်နှစ်ထက်တစ်နှစ် လျော့နည်းလာခဲ့တော့တယ်။
တကယ်တော့ သတ်မှတ်မိုင်းနှုန်းထက်ကျော်မောင်းတာကို တားဆီးတဲ့နည်းက လမ်းဘေးမှာ ကင်မရာတပ်ပြီး စည်းကမ်းချိုးဖောက်သူကို ဒဏ်ဆောင်ခိုင်းတာမျိုး၊ ယာဉ်မောင်းသူတွေ “မလုပ်ရဲ”အောင် တားတာမျိုးမဟုတ်ဘဲ လမ်းမတွေကို တိုးတက်ကောင်းမွန်အောင် ဒီဇိုင်းနဲ့ပြုပြင်ပြီး ယာဉ်မောင်းသူတွေ “လုပ်လို့မရ”တဲ့ ဝန်းကျင်တစ်ခု ဖန်တီးလိုက်တာဖြစ်ပါတယ်။
ဒီအကြောင်းနဲ့ပတ်သက်ပြီး ပဲရစ်မြို့က လမ်းမပေါ်အပေါ့သွားတဲ့ကိစ္စ
ဖြေရှင်းလိုက်တဲ့အကြောင်းကို ကျွန်မဆက်စပ်တွေးလိုက်မိတယ်။
ကမ္ဘာ့ဖက်ရှင်မြို့တော်မှာ နေထိုင်ကြတယ်ဆိုပေမယ့် ပြင်သစ်လူမျိုးတွေဟာ တွေ့ရာနေရာမှာ အပေါ့သွားတတ်ကြတာဟာ ပဲရစ်မြို့ရဲ့အမွေအနှစ်လိုဖြစ်ခဲ့ပါတယ်။ ပဲရစ်မြို့ကို “သေးအိုင်မြို့”လို့လည်း ခေါ်ဝေါ်ခဲ့ကြတယ်။ ဒါကို အစိုးရသည်းမခံနိုင်ဖြစ်ခဲ့တယ်။ “အပြုအမူဆိုးခြေမှုန်းတပ်”ကိုဖွဲ့ပြီး တစ်ရက်ကို ၁၇နာရီ လောင်းလှည့်ခဲ့ကြတယ်။ အပြစ်ကျူးလွန်သူကို ဒဏ်ရိုက်ခဲ့ကြတယ်။ ဒဏ်ဆောင်သူတွေ လျော့သွားတယ်လို့မရှိဘဲ တစ်နှစ်ထက်တစ်နှစ် ပိုပိုတိုးလာခဲ့ပါတယ်။
ဗိသုကာရှင် Etienneက ဒီအခြေအနေကိုတွေ့တော့ ထူးခြားဆန်းသစ်လိုစိတ်နဲ့ “သေးမပန်းရနံရံ”တစ်မျိုးကို ဒီဇိုင်းလုပ်ဖို့ စိတ်ကူးရလိုက်ပါတယ်။ အဲဒီနံရံက လှိုင်းပုံသဏ္ဍာန်ဖြစ်ပြီး နံရံပေါ်သေးပန်းချလိုက်တာနဲ့ ကိုယ့်သေးက ကိုယ့်ကိုပြန်စိုစေတဲ့နံရံဖြစ်ပါတယ်။ သေးပေါက်သူတွေဟာ ကိုယ့်ဘောင်းဘီအစိုခံထိပြီးနောက် နောက်တစ်ကြိမ် အဲဒီနေရာမှာ သေးမပေါက်ရဲတော့တာကို စောင့်ကြည့်သူတွေက သတိပြုမိခဲ့ကြပါတယ်။
အပေါ်က ပြဿနာနှစ်ခုမှာ အပြစ်ကျူးလွန်သူတွေကို ငွေပေးဒဏ်ရိုက်စနစ်ပြုလုပ်ခဲ့ပေမယ့် အရာမထင်ခဲ့ဘဲ ကားလမ်း၊ နံရံကို ဒီဇိုင်းပြုပြင်လိုက်မှ ထင်မှတ်မထားတဲ့အကျိုးကို ရရှိခဲ့တာဟာ ဘာကြောင့်ပါလိမ့်။
စီမံအုပ်ချုပ်ရေးကျွမ်းကျင်ပညာရှင် August Weismannက အစောပိုင်တည်းက အဖြေထုတ်ပြီးသားဖြစ်ပါတယ်။
“ပြဿနာတစ်ခုကိုဖြေရှင်းရာမှာ ပြဿနာနဲ့နီးစပ်တဲ့တဆင့်မြင့်ဖြေရှင်းနည်းကို မှီခိုအားထားဖြေရှင်းရတယ်”
တစ်နည်းပြောရရင် ပြဿနာဖြစ်တဲ့အဆင့်မှာ အကျိုးရှိတဲ့ဖြေရှင်းမှုမျိုးမရနိုင်လို့
ပြဿနာဖြစ်တဲ့အဆင့်ထက် တစ်ဆင့်မြင့်တဲ့ဖြေရှင်းမှုမျိုးကသာ အကျိုးသက်ရောက်နိုင်တာဖြစ်ပါတယ်။
အဝေးပြေးလမ်းမအနေနဲ့ကြည့်ရင် ကင်မရာတပ်၊ ဒဏ်ငွေရိုက်ရုံနဲ့ ပြဿနာကို မဖြေရှင်းနိုင်ခဲ့ဘူး။ ယာဉ်မောင်းသူတွေရဲ့အပြုအမူကိုဖြေရှင်းနိုင်မှ ဒီပြဿနာကိုဖြေရှင်းနိုင်မှာဖြစ်ပါတယ်။ ဒီလိုဆိုရင် ပထမဦးဆုံး အမူအကျင့်ကောင်းဖြစ်ဖို့ ပတ်ဝန်းကျင်တစ်ခု အရင်ဖန်တီးပေးရတာဖြစ်တယ်။ ဒါမှ ပြဿနာကို ဖြေရှင်းပြီးသားဖြစ်သွားပါတယ်။
အချိန်အခါတော်တော်များများမှာ ပြဿနာတစ်ခုနဲ့ကြုံတဲ့အခါ အဲဒီပြဿနာကို ကျွန်မတို့မဖြေရှင်းနိုင်ရတာဟာ ကျွန်မတို့ကြိုးစားပြီးမဖြေရှင်းလို့မဟုတ်ပါဘူး။ အဲဒီပြဿနာထက် တဆင့်မြင့်တဲ့ ဖြေရှင်းနည်းကိုမရှာခဲ့ဘဲ ပြဿနာသက်သက်ကိုပဲ ကျွန်မတို့က အရေးစိုက်ကျင့်ရှိခဲ့ကြလို့ဖြစ်ပါတယ်။
-----
မူရင်းလင့် -- http://www.85nian.net/shiye/16737.html
နိုင်းနိုင်းစနေ (Feb. 27. 2015)
