၂ဝဝ၂ နှစ်ကုန်ပိုင်းလောက်က
အီတလီသတင်းစာအချိူ့မှာ ထူးဆန်းတဲ့ လူပျောက်ကြော်ငြာသတင်းတစ်ခုပါလာခဲ့တယ်။
သတင်းက “၁၉၉၂ ခုနှစ် ၅လပိုင်း ၁၇ရက်နေ့က Voillery City Road commercial
section 5 က ကားပါကင်တစ်ခုမှာ လူဖြူအမျိုးသမီးတစ်ဦးကို လူမည်းတစ်ဦးက
မုဒိန်းကျင့်ခဲ့တယ်။ အဲဒီနောက် အမျိုးသမီးဟာ လူမည်းသမီးလေးတစ်ဦး
ဖွားမြင်ခဲ့တယ်။ သူ့ခင်ပွန်းလည်း အမျိုးသမီးနဲ့အတူ လူမည်းကလေးကို
ပြုစုပျိုးထောင်ဖို့တာဝန်ယူခဲ့တယ်။ ဒါပေမဲ့ ဒီကလေးငယ် ကံမကောင်းခဲ့ရှာဘူး။
အခုအချိန်မှာ သူဟာ သွေးကင်ဆာရောဂါကို ခံစားနေရတယ်။ သူ့အတွက်
ရိုးတွင်းချဉ်ဆီကုသဖို့ အရေးတကြီးလိုအပ်လာပါတယ်။ သူ့အသက်ကိုကယ်တင်ဖို့
တစ်ခုတည်းသောမျှော်လင့်ချက်က သူ့ဖခင်ပဲဖြစ်တယ်။ ဒါကြောင့် ဒီကြော်ငြာကို
ဖတ်မိတဲ့ ကာယာကံရှင်ကိုယ်တိုင် အယ်လီဇဘက်ဆေးရုံ ဒေါက်တာ Andrea နဲ့
ဆက်သွယ်ပါ” လို့ဖြစ်တယ်။
ဒီလူပျောက်ကြော်ငြာက လူထုတွေကြားမှာ
လှိုင်းဂယက်တစ်ခု ထသွားစေခဲ့တယ်။ လူတော်တော်များများ ဝေဖန်ကြတဲ့အကြောင်းက
မုဒိန်းကျင့်ခဲ့တဲ့လူမည်း ထွက်လာပြီး ဝန်ခံပါ့မလား၊ တကယ်လို့
ထွက်လာပြီးဝန်ခံရင် သူ့နာမည်ပျက်မယ်။ သူ့မိသားစုပြိုကွဲမယ်။ တကယ်လို့
မထွက်လာဘဲ အသံတိတ်နေမယ်ဆိုရင် သူဟာ လုံးဝခွင့်မလွှတ်နိုင်တဲ့
အပြစ်ကြီးတစ်ခုကို ထပ်ကျူးလွန်သူ ဖြစ်သွားလိမ့်မယ်။ ဒီဇာတ်လမ်းရဲ့နိဂုံးက
ဘယ်လိုအဆုံးသတ်မှာလဲဆိုတာကို လူတွေက စိတ်ဝင်စားနေကြတယ်။
အီတလီ
Voilleryမြို့ရဲ့ရပ်ကွက်တစ်ခုကလူမည်းကလေးတစ်ဦးဟာ
အရှက်တစ်ခုရဲ့လျှို့ဝှက်ချက်ကို အစဆွဲထုတ်ခဲ့တယ်။ အသက် ၃၅နှစ်ရှိတဲ့ဓားစာခံ
Mamita က လူတကာဝေဖန်တဲ့ ပစ်မှတ်ဖြစ်ခဲ့တယ်။ သူနဲ့ သူ့ခင်ပွန်းပီတာက
လူဖြူတွေဖြစ်တယ်။ ဒါပေမဲ့ သူတို့ကလေးတွေက အဖြူတစ်ယောက်၊ အမည်းတစ်ယောက်
ဖြစ်နေတယ်။ အဲဒီထူးခြားတဲ့မြင်ကွင်းက ပတ်ဝန်းကျင်ကလူတွေကို ပိုပြီး
သံသယဝင်စေခဲ့တယ်။ ဒါကို Mamitaက သူ့အဘွားကလူမည်းဖြစ်ပြီး
အဘိုးကလူဖြူဖြစ်တဲ့အကြောင့် ဒါကြောင့် သမီးလေး မော်နီကာကျမှ သွေးက
လာဆန့်ကျင်တဲ့အကြောင်း လူတွေကို အပြုံးနဲ့ ပြန်ဖြေခဲ့တယ်။ ၂ဝဝ၂ ခုနှစ်
ဆောင်းဦးပေါက်မှာ လူမည်းလေး မော်နီကာ နာမကျန်းဖြစ်ပြီး
ကိုယ်အပူချိန်တွေတက်ခဲ့တယ်။ နောက်ဆုံး ဒေါက်တာ Andreaက မော်နီကာမှာ
သွေးကင်ဆာရှိနေတဲ့အကြောင်း ရိုးတွင်းချဉ်ဆီ ရွေ့ပြောင်းကုသနည်းကမှ
သူ့အတွက်တစ်ခုတည်းသော အကောင်းဆုံးကုသနည်းဖြစ်ကြောင်း ပြောခဲ့တယ်။
ဆရာဝန်ကဆက်ပြီး “ မော်နီကာနဲ့ သွေးသားတော်စပ်တဲ့လူတွေမှာ လိုအပ်တဲ့
ရိုးတွင်းချဉ်ဆီကို အလွယ်တကူ ရှာနိုင်ပါတယ်။ ဒါကြောင့် ခင်ဗျားတို့
ဆွေမျိုးတွေအားလုံး ဆေးရုံလာပြီး စစ်ဆေးပါ” လို့ ပြောခဲ့တယ်။ Mamita က
မျက်စိမျက်နှာပျက်လို့ပေါ့။ ဒါပေမဲ့ ဆွေမျိုးတွေအားလုံးကို ခေါ်ပြီး
စစ်ဆေးခဲ့ပါတယ်။ နောက်ဆုံးရတဲ့အဖြေက မသင့်တော်ပါတဲ့။
မော်နီကာရဲ့
ရောဂါအခြေအနေက သူနဲ့ သင့်တော်မယ့်ရိုးတွင်းချဉ်ဆီရဖို့နှုန်း
အင်မတန်သေးငယ်တဲ့အကြောင်း ဆရာဝန်ကပြောပြန်တယ်။ ဖြစ်နိုင်ဖို့ အခြေအနေတစ်ခုက
Mamitaနဲ့ သူ့ခင်ပွန်း နောက်ထပ် ကလေးတစ်ယောက်မွေးပြီး
အဲဒီကလေးရဲ့သွေး(Cord Blood)တွေ မော်နီကာထဲသွင်းပေးဖို့ ဆရာဝန်က
အကြံပေးပြန်တယ်။ ဒီအကြံကို ကြားတော့ Mamita တစ်ယောက် တုန်လှုပ်ခဲ့မိတယ်။
“ဘုရားရေ... ဘာဖြစ်လို့ ဒီလို ဖြစ်ရတာလဲ” လို့ သူ့နှုတ်က
လွှတ်ခနဲအော်လိုက်မိတယ်။ ခင်ပွန်းဖြစ်သူကို မျှော်လင့်ချက်မဲ့တဲ့ အကြည့်၊
ချောက်ချားတဲ့ အကြည့်နဲ့ သူကြည့်လိုက်မိတယ်။
ခင်ပွန်းသည်ပီတာလည်း
အဲဒီအကြံကြောင့် မျက်မှောင်ကြုတ်လို့။ ဒေါက်တာAndreaက လူအတော်များများလည်း
ဒီလိုသွေးသွင်းနည်းနဲ့ သွေးကင်ဆာကို ကုသကြကြောင်း၊ ဒီလိုကုသလို့လည်း
မွေးဖွားလာတဲ့ ရင်သွေးငယ်ရဲ့ကျန်းမာရေးကို မထိခိုက်နိုင်တဲ့အကြောင်း
ထပ်တလဲလဲ ရှင်းပြနေခဲ့တယ်။ ဇနီးမောင်နှံ့နှစ်ဦးက ဘာမှပြန်မပြောဘဲ
တိတ်ဆိတ်ငြိမ်သက်စွာ နားထောင်နေခဲ့တယ်။ နောက်မှ “ကျွန်တော်တို့
စဉ်းစားပါရစေဦး”ဆိုတဲ့ စကားတစ်ခွန်းပဲ ပြောနိုင်ခဲ့တယ်။
နောက်တစ်နေ့ညနေ ဒေါက်တာAndrea ဆေးရုံမှာ တာဝန်ကျနေတုန်း Mamitaတို့
ဇနီးမောင်နှံ့နှစ်ဦး ရောက်လာခဲ့တယ်။ နှုတ်ခမ်းကို တင်းတင်းစေ့ထားတဲ့
Mamitaရဲ့လက်ကို ခင်ပွန်းသည်ကတွဲထားတယ်။ မျက်နှာ မသာမယာနဲ့ ဆရာဝန်ကို “
ဒေါက်တာကို ကျွန်တော်တို့ အဖြစ်အပျက်တစ်ခု ပြောပြချင်ပါတယ်။ ဒါပေမဲ့
ဒီအဖြစ်အပျက်ကို ဒေါက်တာလျှို့ဝှက်ပေးရမယ်။ ဘာဖြစ်လို့လဲဆိုတော့ ဒါဟာ
ကျွန်တော်တို့ နှစ်ပေါင်းအတော်ကြာလျှို့ဝှက်လာတဲ့ ကိစ္စမို့ပါ” ဆရာဝန်က
တလေးတစား ခေါင်းညိတ်ပြလိုက်တယ်။
“လွန်ခဲ့တဲ့ ၁ဝနှစ် ၁၉၉၂ခုနှစ်
မေလမှာ ကျွန်တော့်သမီးလေး Yilianna နှစ်နှစ်ပြည့်တယ်။ ကျွန်တော့်ဇနီး
Mamita က စားသောက်ဆိုင်တစ်ဆိုင်မှာ အလုပ်လုပ်တယ်။ သူက ညတိုင်း(၁ဝ) နာရီမှ
အလုပ်ဆင်းတယ်။ အဲဒီညက သူအလုပ်ဆင်းတော့ မိုးအကြီးအကျယ် ရွာနေခဲ့တယ်။
လမ်းပေါ်မှာလည်း လူခြေတိတ်နေတယ်။ စွန့်ပစ်ထားတဲ့
ကားရပ်နားနေရာတစ်ခုရောက်တော့ နောက်ဖက်မှာ ခြေသံတစ်ခုကို သူကြားလိုက်မိတယ်။
နောက်လှည့်ကြည့်လိုက်တော့ လူမည်းလူရွယ်တစ်ဦး သူ့နောက်မှာရပ်နေတာကို
တွေ့လိုက်တယ်။ လူမည်းက လက်ထဲကတုတ်နဲ့ သူ့ကိုရိုက်လိုက်တယ်။ မူးမေ့သွားတော့
သူ့ကို မဖွယ်မရာလုပ်တော့တာပဲ။ သတိရလာတော့ အိမ်ကို အမြန်ဆုံး
သူပြန်ပြေးခဲ့တယ်။ အိမ်ရောက်တော့ မနက်(၁)နာရီ ထိုးနေပြီ။ အရူးတစ်ယောက်လို
ကျွန်တော်အိမ်ထဲကနေ ကမူးကရူးပြေးထွက်ပြီး အဲဒီလူမည်းကို လိုက်ရှာခဲ့သေးတယ်။
ဒါပေမဲ့ အရိပ်အယောင်တောင် မတွေ့ခဲ့ဘူး။ အဲဒီည ကျွန်တော်တို့
တစ်ယောက်ကိုတစ်ယောက် ပွေ့ဖက်ပြီးငိုခဲ့ကြတယ်။ ကောင်းကင်ကြီးတစ်ခုလုံး
ပြိုကျခဲ့သလိုပါပဲ” ပီတာက စကားကို ခဏရပ်လိုက်တယ်။ သူ့မျက်လုံးထဲမှာ
မျက်ရည်တွေရစ်ဝိုင်းနေတယ်။
ပီတာက ဆက်ပြီး “ အဲဒီကိစ္စပြီးတော့
မကြာပါဘူး Mamita မှာ ကိုယ်ဝန်ရှိလာတယ်။ ကိုယ်ဝန်က
လူမည်းရဲ့ကိုယ်ဝန်ပဲဖြစ်မယ်ဆိုပြီး ကျွန်တော်တို့
ကြောက်ရွံ့စိုးရိမ်ခဲ့တယ်။ Mamita က ကိုယ်ဝန်ဖျက်ချမလို့ပါဘဲ ဒါပေမဲ့
ကျွန်တော်တို့ရဲ့ကလေးဖြစ်နေမှာလဲစိုးခဲ့တယ်။ စိုးရိမ်ကြောင့်ကြမှုနဲ့
ကျွန်တော်တို့ လအတော်ကြာစောင့်နေခဲ့တယ်။ ၁၉၉၃ခုနှစ် မတ်လမှာ
ကလေးတစ်ဦးဖွားမြင်ခဲ့တယ်။ အဲဒီကလေးက လူမည်းဖြစ်နေတယ်။ ကျွန်တော်တို့ရဲ့
မျှော်လင့်ချက်တွေ ပျက်စီးဆုံးရှုံးခဲ့ရတယ်။ ကလေးကို မိဘမဲ့ဂေဟာပို့ဖို့
ကျွန်တော်တို့ စဉ်းစားခဲ့သေးတယ်။ ဒါပေမဲ့ ကလေးရဲ့ငိုသံကြားတော့
မလုပ်ရက်ခဲ့ဘူး။ သူကလည်း ဝမ်းနဲ့လွယ်ခဲ့ရတဲ့ သက်ရှိတစ်ခုပါပဲလေ။
ကျွန်တော်နဲ့ Mamitaက သစ္စာတရားရှိတဲ့ ခရစ်ယာန်ဘာသာဝင်တွေပါ။ နောက်ဆုံး
သူ့ကို ကျွန်တော်တို့မွေးဖို့ ဆုံးဖြတ်ခဲ့တယ်။ သူ့နာမည်ကို မော်နီကာလို့
ပေးလိုက်တယ်။
ဒေါက်တာAndreaရဲ့မျက်ဝန်းမှာလဲ
မျက်ရည်တွေတွဲခိုနေတယ်။ ဒီဇနီးမောင်နှံ့နှစ်ဦး ဘာဖြစ်လို့
နောက်ကလေးတစ်ယောက် ထပ်မွေးဖို့ ဒီလောက်တောင် ကြောက်ရွံ့နေရသလဲဆိုတာကို
အခုမှ သူသဘောပေါက်တော့တယ်။ ဆရာဝန်က အလေးအနက်စဉ်းစားတဲ့ ပုံစံနဲ့
ခေါင်းတဆတ်ဆတ်ညိတ်ပြီး “အင်း... ဒီအဖြစ်အပျက်အတိုင်းဆိုရင် ခင်ဗျားတို့
နောက်ထပ် ကလေး(၁ဝ)ယောက်မွေးလဲ မော်နီကာနဲ့ သင့်တော်မဲ့ ရိုးတွင်းချဉ်ဆီကို
ရမှာမဟုတ်ဘူး” Mamitaကို သူတစ်ချက်ကြည့်ပြီး “ ဒီပုံအတိုင်းဆိုရင်
ခင်ဗျားတို့ မော်နီကာရဲ့ဖခင်အရင်းကို ရှာရလိမ့်မယ်။ သူ့ရဲ့ရိုးတွင်းချဉ်ဆီ
ဒါမှမဟုတ် သူ့ကလေးရဲ့ချဉ်ဆီကမှ မော်နီကာအတွက် သင့်တော်လိမ့်မယ်။ ဒါပေမဲ့
ခင်ဗျားတို့ဘဝထဲ သူနောက်ထပ်တစ်ကြိမ် ပေါ်လာမှာကို ခင်ဗျားတို့လိုလားသလား”
“ကလေးအတွက်ဆိုရင် သူ့ကို ကျွန်မခွင့်လွှတ်နိုင်ပါတယ်။ တကယ်လို့ ကလေးကို
ကယ်တင်ဖို့ သူထွက်လာမယ်ဆိုရင် သူ့ကို ကျွန်မတို့တရားမစွဲပါဘူး”
မိခင်တစ်ဦးရဲ့ကြီးမားလေးနက်တဲ့မေတ္တာစကားက ဒေါက်တာAndreaကို
ကိုင်လှုပ်ခဲ့တယ်။ ရိုးတွင်းချဉ်ဆီလှူဒါန်းဖို့အတွက်
ထူးခြားတဲ့လူပျောက်ကြော်ငြာနဲ့ လှုံ့ဆော်ခဲ့တယ်။ ဖြစ်ပျက်ခဲ့တာလည်း
နှစ်နဲ့ချီကြာခဲ့ပြီ။ လူ့ပင်လယ်မှာတရားခံကို ဘယ်လိုရှာကြမလဲ၊ Mamitaနဲ့
ခင်ပွန်းက သေချာစဉ်းစားပြီး နာမည်အမှန်ကို မထုတ်ဖော်ဘဲ သတင်းစာမှာ
လူပျောက်ကြော်ငြာထည့်ဖို့ ဆုံးဖြတ်ခဲ့ကြတယ်။
၂ဝဝ၂ခုနှစ် ၁၁လပိုင်း
Voilleryမြို့ရဲ့ သတင်းစာတိုင်းမှာ အထက်က ဖော်ပြခဲ့တဲ့အတိုင်း
ထူးခြားတဲ့လူပျောက်ကြော်ငြာပါလာခဲ့တယ်။ မုဒိန်းကျင့်ခဲ့တဲ့တရားခံကို
မားမားမတ်မတ်ထွက်လာပြီး ကင်ဆာရောဂါ ခံစားနေရတဲ့ကလေးရဲ့အသက်ကို
ကယ်ဖို့ဖြစ်တယ်။ အဲဒီသတင်းက လူထုတွေကြားမှာ
တောမီးလိုဟုန်းဟုန်းတောက်ခဲ့တယ်။
ဒေါက်တာ Andreaရဲ့စာတိုက်ပုံးနဲ့
ဖုန်းက အဆက်ပြတ်တယ်လို့မရှိခဲ့ဘူး။ ဓားစာခံအမျိုးသမီးက ဘယ်သူလဲ၊ သူ့ကို
လူချင်းတွေ့ပြီး အကူအညီ အားပေးစကားတွေပေးချင်ကြောင်း
လူတွေပြောကြမေးခဲ့ကြတယ်။
ဒါပေမဲ့ Mamitaက လူတွေရဲ့အကူအညီကို
ငြင်းဆန်ခဲ့သလို သူ့နာမည်အမှန်ကိုလည်း ထုတ်ဖော်မပြောပြခဲ့ဘူး။ မော်နီကာက
အဲဒီ မုဒိန်းကောင်ရဲ့သမီးပါလို့ လူတွေကို ပိုမသိစေချင်ခဲ့ဘူး။
သတင်းထောက်တွေကလည်း ဒီကိစ္စနဲ့ပတ်သက်ပြီး
ဝေဖန်ဆွေးနွေးကြပြန်တယ်။
ရောမသတင်းစာက “အဲဒီလူမည်း ထွက်လာပြီး ဝန်ခံရဲပါ့မလား၊ တကယ်လို့ သူက
သတ္တိရှိရှိနဲ့ ထွက်လာရဲတယ်ဆိုရင် လူတွေက သူ့ကို ဘယ်လိုဆက်ဆံကြမလဲ၊
တရားဥပဒေကရော သူ့ကိုဘယ်လို စီမံချက်ချမလဲ၊ ဖြစ်ခဲ့တဲ့ ပြစ်မှုအတွက်
အပြစ်ပေးတာကိုသူခံရမလား၊ ဒါမှမဟုတ် မားမားမတ်မတ်သတ္တိရှိရှိနဲ့
ထွက်ပြီးဝန်ခံတာကို အချီးကျူးခံမလား” လို့ ဝေဖန်ပြန်တယ်။ တစ်ဖန်
Voilleryမြို့ခံသတင်းစာက “ တကယ်လို့ ခင်ဗျားဟာ အဲဒီလူမည်းဆိုရင်
ခင်ဗျားဘယ်လိုလုပ်မလဲ” လို့ သတင်းဖတ်သူ အများနဲ့ ရှေ့မတိုး နောက်မဆုတ်သာတဲ့
ပြဿနာကို ဆွေးနွေးပြန်တယ်။
မြို့ခံထောင်တွေကလည်း Mamitaကို
ကူညီကြတယ်။ ၁၉၉၂ ခုနှစ်က တရားခံတွေရဲ့စာရင်းကို ဆေးရုံကိုတင်ပြတယ်။
အဲဒီမြို့မှာ လူမည်းတွေက နည်းတော့ ၁ဝနှစ်အတွင်းပြစ်မှုကျူးလွန်တဲ့
လူမည်းတရားခံတွေကလည်း နည်းခဲ့တယ်။ သူတို့က Mamitaကို “အဲဒီနှစ်တုန်းက
မုဒိန်းမှုမဟုတ်တဲ့ပြစ်မှုနဲ့ ထောင်ကျတဲ့လူတွေရှိခဲ့ပါတယ်။ ဒါပေမဲ့ သူတို့
မလုပ်ခဲ့ဖူးဘူးလို့လည်း မပြောနိုင်ဘူးလေ” လို့ အားပေးခဲ့တယ်။
ပြစ်မှုကျူးလွန်တဲ့ လူမည်းတရားခံတချို့က ထောင်ကလွတ်သွားခဲ့ပြီး တချို့
ထောင်ကျနေတုန်းပဲ။ Mamitaနဲ့ ခင်ပွန်းက သူတို့ရဲ့အကူအညီနဲ့ သဲလွန်စကို
လိုက်ရှာခဲ့တယ်။ ထောင်သားတွေက ရိုးသားပြီး ဂရုစိုက်တဲ့ပုံစံနဲ့
သဲလွန်စရဖို့ ကူညီပေးကြပါတယ်။ ဒါပေမဲ့ သူတို့တွေက Mamitaကို
အနိုင်ကျင့်ခဲ့တဲ့လူမည်း မဟုတ်ခဲ့ပါဘူး။ Mamitaရဲ့အဖြစ်အပျက်က
ထောင်ထဲမှာပြန့်လို့နေတယ်။ မိခင်တစ်ဦးရဲ့ချစ်ခြင်းမေတ္တာက ထောင်သားအများကို
ထိခိုက်ခံစားစေခဲ့တယ်။ လူဖြူပဲဖြစ်ဖြစ်၊ လူမည်းပဲဖြစ်ဖြစ် မော်နီကာအတွက်
ချဉ်ဆီလှူဒါန်းဖို့ သူတို့သဘောတူ အစစ်ဆေးခံခဲ့ကြတယ်။ ဒါပေမဲ့
သင့်လျှော်တဲ့လူတစ်ယောက်မှ မတွေ့ခဲ့ဘူး။
ဒီအဖြစ်အပျက်က
လူအတော်များများကို စိတ်ထိခိုက်စေခဲ့တယ်။ သင့်တော်တဲ့ ချဉ်ဆီရဖို့
ပါဝင်စစ်ဆေးကြတဲ့ စေတနာရှင်တွေကလည်း မနည်းခဲ့ဘူး။ စေတနာရှင်တွေ
တစ်နေ့တစ်ခြား ပိုပိုများလာခဲ့တယ်။ မြို့မှာ ချဉ်ဆီလှူဒါန်းတဲ့
ဂယက်လှိုင်းတစ်ခုထသွားခဲ့တယ်။ သွေးကင်ဆာ ခံစားနေရတဲ့
ဝေဒနာရှင်တော်တော်များများက ဒီစေတနာရှင်တွေကြောင့် ကယ်တင်ခွင့်ရခဲ့တယ်။
ဒါပေမဲ့ မော်နီကာလေးက အဲဒီကံကောင်းခြင်းထဲမှာ မပါခဲ့ပါဘူး။
Mamitaတို့ ဇနီးမောင်နှံ့နှစ်ဦးက အဲဒီလူမည်းထွက်ပေါ်အလာကို
စိုးတထိတ်ထိတ်နဲ့ စောင့်စားခဲ့ကြတယ်။ (၂)လကြာတဲ့အထိ
လူမည်းရဲ့အရိပ်အယောင်ကို မတွေ့ခဲ့ဘူး။ ဒီလူမည်း လူ့ပြည်မှာ
ရှိပါသေးသလားလို့ သူတို့စိတ်တွေ မတင်မကျဖြစ်ခဲ့ရတယ်။ ဒါမှမဟုတ် ဒီမြို့နယ်က
ခွာသွားပြီလား၊ အီတလီမှာကော ရှိသေးရဲ့လား၊ ဒါမှမဟုတ်
သူ့မိသားစုပြိုကွဲမှာစိုးလို့ ထွက်မလာရဲတာလား၊ ဘယ်လိုပဲဖြစ်ဖြစ် မော်နီကာ
တစ်ရက် အသက်ရှင်နေသေးရင် လူမည်းကိုရှာဖို့ မျှော်လင့်ချက်တစ်ရက်
ရှိတယ်ဆိုတဲ့စိတ်နဲ့ သူတို့လက်မလျှော့ခဲ့ကြဘူး။
အသက်ဝိညာဉ်တစ်ခုက နာကျင်တဲ့ဝေဒနာကြားမှာ အလူးအလှိမ့် ခံစားလို့နေရတယ်။ မမျှော်လင့်တဲ့ အဖြစ်တစ်ခုက မျှော်လင့်ချက်မဲ့နေချိန်မှာ
ရောက်လာခဲ့တယ်။ ထူးခြားတဲ့လူပျောက်ကြော်ငြာက အသက်(၃ဝ)ရှိ
လူမည်း ဟိုတယ်ပိုင်ရှင် “အာချီလီ” ကို တုန်လှုပ်ချောက်ချားစေခဲ့တယ်။ ၁၉၉၂
ခုနှစ် မေလ ၁၇ ရက်နေ့ မိုးညတစ်ညမှာ အဲဒီလိုအိပ်မက်ဆိုးတစ်ခု
သူမက်ခဲ့ဖူးတယ်။ သူဟာ ဒီဇာတ်လမ်းရဲ့ကာယာကံရှင်ပါပဲ။ လူကြီးလူကောင်း
သူဌေးအာချီလီကို တစ်ချိန်တစ်ခါက ပန်းကန်ဆေးသမားလို့ ဘယ်သူထင်ရက်ခဲ့မလဲ၊
သူငယ်ငယ်ကတည်းက မိဘတွေကွယ်လွန်သွားခဲ့ပြီး စာလည်း သေချာမသင်ခဲ့ရဘဲ
အလုပ်ထွက်လုပ်ခဲ့ရတယ်။ အလုပ်ကြိုးစားပြီး ထက်မြက်တဲ့အာချီလီဟာ
ကိုယ်ပိုင်လုပ်အားငွေနဲ့ လူတွေရဲ့လေးစားမှုကို ခံယူချင်ခဲ့တယ်။ ဒါပေမဲ့
သူ့အလုပ်ရှင်က လူတန်းစားခွဲခြားတဲ့လူဖြစ်ပြီး သူဘယ်လောက်ပဲ
အလုပ်ကိုကြိုးစားလုပ်လည်း အဆူအဆဲပဲ ခံခဲ့ရတယ်။
၁၉၉၂ ခုနှစ် မေလ
၁၇ရက်နေ့က အာချီလီ အသက် ၂ဝပြည့်တဲ့နေ့ဖြစ်တယ်။ အလုပ်စောစောဆင်းပြီး
ကိုယ့်မွေးနေ့ပွဲကို ကျင်းပမလို့ပါပဲ။ ဒါပေမဲ့ သူ့ရဲ့ အလျင်လိုမှုကြောင့်
ပန်းကန်တစ်ချပ်ကျကွဲသွားခဲ့တယ်။ သူဌေးက သူ့ခေါင်းကို အတင်းဖိနှိပ်ပြီး
ပန်းကန်ကွဲတွေကို မြိုချခိုင်းတယ်။ အာချီလီက သူဌေးကို မုန်းမုန်းတီးတီးနဲ့
ဆွဲထိုးပြီး ဆိုင်ထဲကနေ ထွက်ပြေးလာခဲ့တယ်။ ဒေါသစိတ်ကြောင့်
လူဖြူတွေကိုကလဲ့စားချေဖို့ သူဆုံးဖြတ်လိုက်တယ်။ မိုးညက လမ်းပေါ်မှာ
တိတ်ဆိတ်နေခဲ့တယ်။ ကားပါကင်တစ်ခုမှာ Mamitaကို တွေ့တော့
လူဖြူတွေကိုမုန်းတီးတဲ့စိတ်နဲ့ အပြစ်မဲ့သူအမျိုးသမီးတစ်ဦးကို
သူအနိုင်ကျင့်ခဲ့မိတယ်။
အနိုင်ကျင့်ပြီး အာချီလီ
ကြောက်ရွံ့တုန်လှုပ်မိခဲ့တယ်။ အဲဒီညမှာပဲ မွေးနေ့အတွက် စုထားတဲ့ငွေနဲ့
Naples မြို့ကိုသွားမယ့်ရထားလက်မှတ်ကို ဝယ်ပြီး ဒီမြို့နဲ့ ဝေးရာဆီ
သူထွက်ပြေးခဲ့တယ်။ Naplesမြို့မှာ သူကံကောင်းတယ်လို့ ဆိုရမယ်။
အမေရိကန်လူမျိုးတစ်ဦးဖွင့်ထားတဲ့ စားသောက်ဆိုင်မှာ သူအလုပ်ရခဲ့တယ်။
ကြိုးစားပြီးအပင်ပန်းခံနိုင်တဲ့ အာချီလီကို ဆိုင်ပိုင်ရှင် သူဌေးလင်မယားက
သဘောကျခဲ့တယ်။ သမီးဖြစ်သူ “လီနာ”ကိုပါ သူနဲ့လက်ဆက်ပေးတဲ့အပြင်
ဆိုင်တစ်ခုလုံးကိုလည်း အာချီလီလက်ထဲ အပ်ခဲ့တယ်။ လာဘ်မြင်တဲ့ အာချီလီက
စားသောက်ဆိုင်လေးကို ဟိုတယ်ကြီးတစ်ခုအဖြစ် တည်ထောင်နိုင်ခဲ့သလို
ချစ်စရာကောင်းတဲ့ သားသမီး ၃ဦးဖွားမြင်ခဲ့တယ်။
အလုပ်သမားနဲ့
မိသားစုရဲ့အမြင်မှာ အာချီလီဟာ သူဌေးကောင်း၊ ခင်ပွန်းကောင်းနဲ့
ဖခင်ကောင်းတစ်ဦးဖြစ်ခဲ့တယ်။ ပြစ်မှုတစ်ခု ကျူးလွန်ခဲ့ဖူးတယ်ဆိုတာကိုလည်း
သူဘယ်တော့မှမမေ့ခဲ့ဘူး။ သူကျူးလွန်ခဲ့မိတဲ့ အမျိုးသမီးကို
ဘုရားသခင်စောင့်ရှောက်ဖို့၊ ဘေးမသီ ရန်မခဖို့ သူအမြဲဆုတောင်းခဲ့ပေမဲ့
ဘယ်သူ့ကိုမှ အဲဒီလျှို့ဝှက်ချက်ကို သူမပြောပြရဲခဲ့ဘူး။ အဲဒီနေ့မနက်က
သတင်းစာထဲကသတင်းကို ဘယ်နှကြိမ်မြောက် သူကြည့်မိခဲ့လဲ မသိဘူး။ သူဟာ
သူတို့အလိုရှိနေတဲ့တရားခံပဲဖြစ်ရမယ်လို့ သူ့သိစိတ်ထဲကနေ သိလိုက်မိတယ်။
သနားစရာကောင်းတဲ့အဲဒီအမျိုးသမီး ကိုယ်ဝန်ရှိသွားမယ်လို့ သူလုံးဝ
တွေးမထားမိခဲ့ဘူး။ ကလေးကိုမွေးခဲ့မယ်လို့လဲ မထင်ခဲ့မိဘူး။
ဒီရက်ပိုင်းအတွင်း ဒေါက်တာAndreaဆီ အာချီလီဖုန်းဆက်ချင်ခဲ့တယ်။ ဒါပေမဲ့
ဖုန်းနံပါတ်လှည့်ပြီးတိုင်း ဖုန်းကို သူချလိုက်မိတယ်။ သူစိတ်တွေ မတင်မကျနဲ့
တကယ်လို့ ဒီကိစ္စကို သူဝန်ခံခဲ့ရင် သူ့ရဲ့အတိတ်ဆိုးကို လူတွေသိကုန်တော့မယ်။
သားသမီးတွေက သူ့ကို မချစ်မနှစ်သက်တော့ဘဲ အေးချမ်းတဲ့ သူ့အိမ်ထောင်ရေး
ပြိုကွဲတော့မယ်။ လှပတဲ့ ဇနီးမယားတစ်ဦးနဲ့ ပတ်ဝန်းကျင်ရဲ့လေးစားမှုတွေ
ဆုံးရှုံးရတော့မယ်။ ဒီလိုချမ်းအေးတဲ့ အခြေအနေတစ်ခုရောက်အောင်
သူမနည်းကြိုးစားခဲ့ရတယ် မဟုတ်လား..။
တစ်ည ညစာစားနေတဲ့အချိန်မှာ
မိသားစုအားလုံးက ယခင်ပုံမှန်အတိုင်းပဲ အဲဒီသတင်းကို ဆွေးနွေးနေကြတယ်။
မယားဖြစ်သူလီနာက “Mamitaကို ကျွန်မအရမ်းချီးကျူးမိတယ်။ တကယ်လို့
ကျွန်မသာသူဖြစ်ခဲ့ရင် သတ္တိရှိရှိနဲ့ ကလေးကိုမွေးခဲ့မှာ မဟုတ်ဘူး။
Mamitaရဲ့ခင်ပွန်းကို ကျွန်မပိုချီးကျူးမိတယ်။ သူဟာ
ဒီလိုကလေးတစ်ယောက်ကိုလက်ခံပေးနိုင်တဲ့ လေးစားထိုက်တဲ့
လင်ယောက်ျားတစ်ဦးပါပဲ” အာချီလီကနှုတ်ဆိတ်ပြီး မယားရဲ့စကားကို
နားထောင်နေခဲ့တယ်။
ရုတ်တရက် သူက “အဲဒီ တရားခံကို ဘယ်လိုမြင်သလဲ”
လို့ မေးလိုက်တော့ လီနာက “သူဟာ အမှားတစ်ခုလုပ်ခဲ့ပြီးပြီ။ အခုလို အချိန်မှာ
သူထပ်ပုန်းရှောင်နေသေးရင် အဲဒီလူကို ကျွန်မလုံးဝခွင့်လွှတ်မှာ မဟုတ်ဘူး။
သူဟာ စက်ဆုပ်ဖို့ကောင်းတဲ့လူ၊ တစ်ကိုယ်ကောင်းဆန်တဲ့လူ၊ သူရဲဘောကြောင်တဲ့လူ၊
သတ္တိနည်းတဲ့လူပဲ” လို့ပြောတော့ စိတ်ဆိုးမာန်ဆိုးပြောနေတဲ့
ဇနီးသည်ရဲ့စကားကို နားထောင်ပြီး အဖြစ်မှန်ကိုပြောပြဖို့
အာချီလီတွန့်ဆုတ်နေခဲ့တယ်။
အဲဒီညက အာချီလီရဲ့
(၅)နှစ်အရွယ်သားတစ်ယောက် အိပ်ချိန်မှာ မအိပ်လို့ အာချီလီစိတ်မထိန်းနိုင်ဘဲ
ရိုက်လိုက်မိတယ်။ ကလေးက ငိုပြီး “ ဖေဖေက လူဆိုးကြီး၊ ဖေဖေ့ကို မခေါ်တော့ဘူး။
သားရဲ့ ဖေဖေမလုပ်နဲ့တော့” လို့ ပြောလိုက်တဲ့ စကားက အာချီလီရဲ့ရင်ဝကို
တိုက်ရိုက်ထိမှန်ခဲ့တယ်။ သားကိုပွေ့ဖက်ပြီး “ဖေဖေမှားပါတယ်။ နောက်ကို
မရိုက်တော့ပါဘူး” လို့ တောင်းပန်ရင်း သူမျက်ရည်ကျနေမိခဲ့တယ်။
အဖေ
မျက်ရည်ကျတာကိုမြင်တော့ သားဖြစ်သူက အံ့သြသွားတယ်။ “ဖေဖေ့ကို
သားခွင့်လွှတ်ပါတယ်။ ဆရာမက ပြောတယ်။ အမှားကိုပြင်နိုင်တဲ့သူဟာ လူကောင်းတဲ့”
လို့ အဖေကို ပြန်ချော့မော့နေခဲ့တယ်။
အဲဒီညတစ်ညလုံး သူ့ကိုယ်သူ
ငရဲရောက်နေသလားလို့ အာချီလီ ထင်မှတ်ခဲ့တယ်။ အတိတ်ဆိုးဆိုး မိုးသည်းညနဲ့
အမျိုးသမီးရဲ့ပုံရိပ်တစ်ခုကို သူမြင်ယောင်နေမိတယ်။
အမျိုးသမီးရဲ့အကူအညီမဲ့သံနဲ့ ငိုကြွေးသံကို သူကြားယောင်နေမိတယ်။ “ငါဟာ
လူကောင်းလား.. လူဆိုးလား ” လို့ သူ့ကိုယ်သူမေးမိတိုင်း ဘေးမှာအိပ်စက်နေတဲ့
ဇနီးရဲ့စည်းချက်မှန်မှန် အသက်ရှုသံကိုနားထောင်ပြီး ထရပ်ဝန်ခံဖို့
အင်အားတွေပျောက်ဆုံးခဲ့ရတယ်။
မနက်မိုးလင်းတော့ ခါတိုင်းနဲ့မတူဘဲ
မျက်နှာမသာမယာဖြစ်နေတဲ့ သူ့ကို ဇနီးက သတိထားမိလိုက်တယ်။ “ဘာဖြစ်တာလဲ”
ဆိုတဲ့အမေးကို “နေမကောင်းလို့ပါ” ဆိုတဲ့အဖြေနဲ့ သူကွေ့ရှောင်ခဲ့မိတယ်။
အလုပ်သမားတွေရဲ့ နွေးထွေးတဲ့ နှုတ်ဆက်မှုအောက်မှာ သူလိပ်ပြာမလုံဖြစ်ခဲ့တယ်။
စိတ်ထဲမှာပြည့်ကျပ်နေတဲ့ ရှက်ရွံ့ထိတ်လန့်ခြင်းတွေက သူ့ကိုဝါးမြိုမတတ်ပါပဲ။
အရှက်တရားနဲ့ဖုံးဖိထားတဲ့ သူ့ဘဝကို လွတ်မြောက်ဖို့ အာချီလီ
နှုတ်ဆိတ်မနေနိုင်တော့ဘူး။ အများသုံးဖုန်းနဲ့ ဒေါက်တာAndreaဆီ
သူဖုန်းဆက်ခဲ့တယ်။ အတတ်နိုင်ဆုံး အသံကိုတည်ငြိမ်အောင်ထားပြီး “ကံခေတဲ့
ကလေးရဲ့ကျန်းမာရေးကိုသိချင်လို့ပါ” လို့ မေးတော့ “ကလေးရဲ့အခြေအနေက
တော်တော်ဆိုးနေတယ်။ သူ့ဖခင်ကို သူတွေ့ခွင့်ရမှ ရနိုင်ပါ့မလား မသိတော့ဘူး”
လို့ ပြန်ဖြေလိုက်တဲ့ ဆရာဝန်ရဲ့စကားက ရင်ထဲမှာ ကိန်းအောင်းနေတဲ့
ဖခင်တစ်ဦးရဲ့မေတ္တာကိုလှုပ်နိုးခဲ့တယ်။ သူဟာ ငါ့ရဲ့ သွေးသားပါလား..၊
တစ်ခါမှားခဲ့ဖူးတဲ့ အမှားကို သူထပ်မကျူးလွန်မိဖို့၊ မော်နီကာအတွက်ထရပ်ဖို့
သူဆုံးဖြတ်ချက်ချလိုက်တယ်။
ညရောက်တော့ အရဲစွန့်ပြီး ဇနီးသည်ကို
အကြောင်းစုံသူပြောပြလိုက်တယ်။ “ငါဟာ မော်နီကာရဲ့အဖေ
ဖြစ်ကောင်းဖြစ်လိမ့်မယ်။ ငါသူ့ကို ကယ်မှဖြစ်မယ်” သူ့စကားကိုကြားတော့
လီနာတုန်လှုပ်သွားခဲ့တယ်။ ဝမ်းနည်းခြင်းတွေနဲ့အတူ စိတ်ဆိုးဒေါသထွက်ပြီး
“ရှင်ဟာ လူလိမ်ပဲ” အော်ပြီး ကလေးတွေနဲ့ မိဘအိမ်ကို ပြန်သွားခဲ့တယ်။
အာချီလီရဲ့အကြောင်းစုံကို မိဘတွေကို ပြောပြလိုက်တယ်။ စစခြင်းမှာ ယောက္ခမတွေက
စိတ်ဆိုးဒေါသထွက်ကြပေမဲ့ ခဏအတွင်းမှာပဲ စိတ်တွေတည်ငြိမ်သွားပြီး....
“မှန်တယ်။ သူပြုခဲ့တဲ့အပြုအမူတွေအတွက် ငါတို့သူ့ကိုဒေါသထွက်သင့်တယ်။
ဒါပေမဲ့ အဖြစ်မှန်ကိုပြောပြဖို့ သူ့အတွက် သတ္တိတွေဘယ်လောက်လိုခဲ့သလဲ
ဆိုတာကို ငါတို့ ပြန်တွေးကြည့်သင့်တယ်။ ဒါဟာ သူ့စိတ်ရင်းအမှန်
မမှေးမှိန်သေးဘူးဆိုတာ သက်သေပြနေတာပဲ။ အမှားလုပ်ခဲ့ပြီး အမှန်ကိုပြင်တဲ့
ခင်ပွန်းတစ်ယောက်ကို သမီးအလိုရှိသလား..၊ ဒါမှမဟုတ် တစ်သက်လုံး အမှားကို
ဖုံးကွယ်ထားတဲ့ ခင်ပွန်းတစ်ယောက်ကို အလိုရှိသလား” မိဘစကားကို နားထောင်ပြီး
လီနာ ခဏနုတ်ဆိတ်သွားခဲ့မိတယ်။
နောက်တစ်နေ့ မနက်အစောကြီး
အိမ်ကိုလီနာပြန်ခဲ့တော့ ရီဝေကြေကွဲနေတဲ့မျက်လုံးနဲ့
အာချီလီကိုတွေ့လိုက်တယ်။ ခိုင်မာတဲ့ဆုံးဖြတ်ချက်နဲ့ အာချီလီကို “ဒေါက်တာ
Andreaကို ရှင်သွားရှာပါ။ ကျွန်မ အဖော်လိုက်ခဲ့မယ်” ဆိုပြီး ၂ဝဝ၃ ခုနှစ်
ဖေဖော်ဝါရီ ၃ရက်နေ့မှာ ဒေါက်တာAndreaနဲ့ သူတို့ အဆက်အသွယ်ရခဲ့တယ်။
ဖေဖော်ဝါရီ ၈ ရက်နေ့ အယ်လီဇဘက်ဆေးရုံမှာ အာချီလီကို DNA စစ်ဆေးခဲ့တယ်။
ရလဒ်က မော်နီကာဟာ အာချီလီရဲ့ သွေးသားပဲဖြစ်တယ်။ မုဒိန်းတရားခံလူမည်းကြီး
သတ္တိရှိရှိနဲ့ လာရောက်ဝန်ခံတယ်ဆိုတဲ့ သတင်းကိုကြားတော့ Mamita
မျက်ရည်ကျမိတယ်။ လူမည်းအပေါ်ထားတဲ့ သူ့ရဲ့အမုန်းရန်ငြိုးဟာ
၁ဝနှစ်ရှိပြီဆိုပေမယ့် အခုလို သတ္တိရှိရှိထွက်ပြီး ဝန်ခံလာတာကိုတော့
သူစိတ်လှုပ်ရှားမိတယ်။ ကာယကံရှင်တွေရဲ့ကိုယ်ရေးကိုယ်တာ
လျှို့ဝှက်ချက်တွေမပေါက်ကြားစေဖို့ အရာအားလုံးကို လျှို့ဝှက်တင်းကျပ်စွာ
စစ်ဆေးခဲ့တယ်။ ဆေးရုံက တာဝန်ရှိသူများကလည်း ကာယကံရှင်တွေရဲ့နာမည်အမှန်ကို
သတင်းထောက်တွေဆီ မပေါက်ကြားစေဘဲ မော်နီကာရဲ့ဖခင်ကို
ရှာတွေ့ပြီဖြစ်ကြောင်းပဲ သတင်းပေးခဲ့တယ်။
ဒီသတင်းကို
ဂရုစိုက်အလေးထားကြားတဲ့ လူထုတွေက ဒေါက်တာ Andreaကို ဖုန်းတွေ၊ စာတွေနဲ့
ဆက်သွယ်ပြီး တရားခံလူမည်းကို သူတို့ ခွင့်လွှတ်လေးစားကြောင်း သတင်းပါးစေတယ်။
“တစ်ချိန်တစ်ခါမှာ သူဟာ ပြစ်မှုကျူးလွန်သူဖြစ်ခဲ့ပေမယ့် အခုအချိန်မှာ သူဟာ
သူရဲကောင်းတစ်ဦးဖြစ်တယ်” လို့လည်း အားပေးစကားပြောကြတယ်။ ဖေဖော်ဝါရီ
၁ဝရက်နေ့မှာ အာချီလီကိုတွေ့ဆုံခွင့်ပေးဖို့ Mamitaတို့
လင်မယားတောင်းဆိုခဲ့တယ်။ စစခြင်းမှာတော့ သူတို့နဲ့
မျက်နှာချင်းဆိုင်တွေ့ဖို့ အာချီလီသတ္တိမရှိခဲ့ဘူး။ ဒါပေမဲ့
Mamitaရဲ့ထပ်တလဲလဲ တောင်းဆိုမှုကို သူသဘောတူလိုက်တယ်။
ဖေဖော်ဝါရီလ
၁၈ရက်နေ့ တာဝန်ရှိသူတွေရဲ့လျှို့ဝှက်စီစဉ်ပေးမှုနဲ့ ဆေးရုံမှာ
သူတို့တွေ့ခွင့်ရခဲ့ကြတယ်။ ဆံပင်ညှပ်ပြီးစ အာချီလီဟာ Mamitaကိုတွေ့တော့
လှမ်းနေတဲ့ခြေလှမ်းတွေ ရွေ့မရအောင် လေးလံနေသလို မျက်နှာတစ်ခုလုံးလည်း
ဖြူရော်လို့နေတယ်။ Mamitaတို့ ဇနီးမောင်နှံ့က ရှေ့တိုးပြီး
အာချီလီရဲ့လက်ကို တင်းတင်းဆုပ်ကိုင်လိုက်တယ်။ သုံးယောက်သားရဲ့ပါးပြင်မှာ
မျက်ရည်တွေက အဆက်မပြတ် စီးဆင်းလို့နေတယ်။ အာချီလီက ဆို့နင့်တဲ့ အသံနဲ့ “
ကျေးဇူးပြုပြီး ကျွန်တော့်ကို ခွင့်လွှတ်ပါဆိုတဲ့ စကားက ကျွန်တော့်ရင်ထဲမှာ
ကိန်းအောင်းနေတာ ၁ဝနှစ်ရှိခဲ့ပါပြီ။ ဒီနေ့မှပဲ
ကျွန်တော့်နုတ်နဲ့တောင်းပန်ဖို့ အခွင့်ရတော့တယ်“
“
ရှင်အခုလိုထွက်ပြီး ဝန်ခံလာတာကို ကျွန်မတို့ ကျေးဇူးတင်ပါတယ်။
ရှင်ရဲ့ချဉ်ဆီနဲ့ ကျွန်မသမီးလေးကို ကယ်တင်ဖို့ ဘုရားသခင်က ရှင့်ကို
ကောင်းချီးပေးပါစေ”
ဖေဖော်ဝါရီ ၁၉ရက်မှာ အာချီလီရဲ့ချဉ်ဆီကို
ဆရာဝန်တွေက ခွဲစိတ်စစ်ဆေးခဲ့ကြတယ်။ ကံကောင်းစွာပဲ သူ့ရဲ့ချဉ်ဆီတွေ
မော်နီကာအတွက် လုံးဝသင့်တော်နေခဲ့တယ်။ ၂ဝဝ၃ ခုနှစ် ဖေဖော်ဝါရီ ၂၂ရက်နေ့
လူတွေ မျှော်လင့်စောင့်စားနေတဲ့အချိန် ရောက်ရှိလို့လာပါပြီ။
အာချီလီရဲ့ရိုးတွင်းချဉ်ဆီတွေ မော်နီကာကိုယ်ထဲ ရွေ့ပြောင်းပေးလိုက်ကြတယ်။
အသက်အန္တရာယ်ကနေ မော်နီကာ သီသီလေးလွှတ်ခဲ့ပြီး (၁)ပတ်အတွင်းမှာ
နေကောင်းကျန်းမာလာခဲ့တယ်။ Mamitaတို့ လင်မယား အာချီလီကို
လုံးဝခွင့်လွှတ်ပေးပြီး ဒေါက်တာAndreaနဲ့ အတူ ထမင်းဖိတ်စားခဲ့တယ်။
ဒါပေမဲ့ ထမင်းစားဖိတ်တဲ့နေ့မှာ အာချီလီကိုယ်စား ဒေါက်တာAndreaက
စာတစ်စောင်ယူလာခဲ့တယ်။ စာထဲမှာ အားနာခယစွာနဲ့
“ခင်ဗျားတို့ရဲ့တည်ငြိမ်အေးဆေးနေပြီဖြစ်တဲ့ ဘဝကို ကျွန်တော်
မနှောင့်ယှက်ပါရစေနဲ့တော့။ မော်နီကာလည်းပျော်ရွှင်စွာ ခင်ဗျားတို့နဲ့
အတူရှိနေနိုင်ဖို့ ကျွန်တော်မျှော်လင့်ပါတယ်။ တကယ်လို့ အကူအညီလိုခဲ့ရင်
ကျွန်တော့်ကို ပြောပါ။ အတတ်နိုင်ဆုံး ကျွန်တော်ကူညီပါ့မယ်။ တစ်ဆက်တည်းမှာပဲ
မော်နီကာကိုလည်း ကျွန်တော်အရမ်း ကျေးဇူးတင်မိပါတယ်။ သူ့ကြောင့်
အပြစ်တစ်ခုကိုဝန်ချဖို့ ကျွန်တော်အခွင့်ရခဲ့တယ်။ သူ့ကြောင့် ကျွန်တော်ရဲ့
လက်ကျန်ဘဝလေး ပျော်ရွှင်ခွင့်ရခဲ့တယ်။ ဒါဟာ သူပေးတဲ့ ကျွန်တော့်အတွက်
အကောင်းဆုံး လက်ဆောင်ဖြစ်ပါတယ်” လို့ ရေးသားထားပါတယ်။
----
လူတစ်ယောက်ဟာ ကိုယ်ပြုခဲ့တဲ့အပြုအမူကို တာဝန်ယူဖို့အတွက် သတ္တိတွေ ဘယ်လောက်လိုသလဲ၊ လူတိုင်းရဲ့ရင်ထဲမှာ စံပေတံတစ်ခုရှိပါလိမ့်မယ်။ ဒီစာကို ဖတ်ပြီး Mamitaတို့ လင်မယားကို အရမ်းလေးစားမိတယ်။ အဖြူတစ်ယောက်၊ အမည်းတစ်ယောက်မွေးထားတဲ့ ကလေးတွေကြောင့် လူတွေရဲ့အထင်အမြင်လွဲမှားတဲ့ အကြည့်နဲ့ ကြည့်ခံခဲ့ရပေမဲ့ ကလေးလေးကို လူလားမြောက်အောင် သူတို့ပြုစုခဲ့တယ်။ အာချီလီရဲ့လုပ်ရဲခံရဲတဲ့သတ္တိကိုလည်း ချီးကျူးမိတယ်။ ကျူးလွန်ခဲ့မိတဲ့အပြစ်ကြောင့် တရားဥပဒေနဲ့ ရင်ဆိုင်ရမယ်ဆိုတာ သိလျှက်နဲ့ အသက်တစ်ချောင်းကိုကယ်တင်ဖို့ မားမားမတ်မတ်ရပ်တည်ခဲ့တယ်။
လူတိုင်း အမှားနဲ့မကင်းကြပါဘူး။ အမှား အကြီးအသေးနဲ့ ဘယ်လိုပြုပြင်မလဲဆိုတာပဲ လိုတာပါ။ အမှားလုပ်မိရက်နဲ့ မပြုပြင်၊ ဝန်မခံတဲ့အပြင် ပုန်းလျှိုးနေမယ်ဆိုရင် အဲဒီလူဟာ ခွင့်မလွှတ်ထိုက်ပါဘူး။ အခုခေတ်မှာ အမြင်မှားတွေ များပြားနေပါတယ်။ ပြစ်မှုတစ်ခုခုကိုကျူးလွန်မိသူကို လူဆိုးလို့ စိတ်ထဲစွဲပြီး ပြုပြင်ပြောင်းလဲဖို့ အခွင့်အရေးလည်းမပေးခဲ့ဘူးဆိုရင် သူဟာ အပြစ်တွေကို ထပ်တလဲလဲကျူးလွန်နေမိမှာပါပဲ။ တချို့က မွေးရာပါဗီဇအတိုင်း ဆိုးမိုက်နေပေမယ့် မတော်တဆ စိတ်ထွက်ပေါက်ကြောင့် အပြစ်တွေကို ကျူးလွန်မိသူလည်း ရှိကောင်းရှိပါလိမ့်မယ်။ အဲဒီလူတွေကို ပြုပြင်ဖို့၊ ဝန်ချဖို့၊ လူတွေလက်ခံလာဖို့ အခွင့်အရေးတစ်ခုပေးလိုက်ပြီး တွဲခေါ်လိုက်တာက တခြားအကူအညီထက် ပိုတန်ဖိုးရှိပါတယ်။
မူရင်းလင့် --- http://www.haokoo.com/zhoubianyou/1039111.html
**** အီတလီရှိ မြို့နာမည်နဲ့ လူနာမည်ကို တရုတ်ကနေ မြန်မာ(အင်္ဂလိပ်) ပြန်ဆိုတဲ့အတွက် အသံထွက်နဲ့ စာလုံးပေါင်းတွေ မှားကောင်းမှားနိုင်ပါတယ်။ နားလည်ပေးကြမယ်လို့ မျှော်လင့်ပါတယ်။ မူရင်းတရုတ်လို ရေးထားတဲ့စာကိုက တော်တော်ရှည်ပါတယ်။ မြန်မာစာကို ကျစ်လစ်အောင် မသုံးတတ်တဲ့ ကျွန်မရဲ့ဝါကျတွေကြောင့် မြန်မာပြန်က ပိုရှည်နေပါတယ်။ ရင်ထဲမှာ တစ်ခုခုကျန်နေခဲ့ရင် ဘယ်လောက်ပဲရှည်ရှည် ဘာသာပြန်ရကျိုးနပ်ကြောင်း.. အားလုံး ကျေးဇူးး)
နိုင်းနိုင်းစနေ (Thursday, January 03, 2008)
.
