၁၉၆၄ခုနှစ် ဇန်နဝါရီလ ၁၇ရက်နေ့ အမေရိကန်ချီကာဂိုမြို့တောင်ပိုင်းက ဆင်းရဲသားရပ်ကွက်တစ်ခုမှာ မီရှဲလ်ကို မွေးဖွားခဲ့ပါတယ်။ သူတို့အိမ်မှာ အိပ်ခန်းတစ်ခန်းပဲရှိခဲ့ပါတယ်--- တကယ်တမ်းမှာ ဧည့်ခန်းကိုတစ်ဝက်ခြမ်းပြီး ကာထားတာပါ။ မီရှဲလ်နဲ့သူ့အစ်ကိုက ထပ်ခိုးမှာအိပ်ပါတယ်။ မီရှဲလ်ရဲ့ဖခင်က မကြာခဏဖြစ်ပွားတဲ့အကြောမာရောဂါကို ခံစားနေရသူဖြစ်ပြီး ၁၉၉ဝခုနှစ်မှာ ကွယ်လွန်သွားခဲ့ပါတယ်။ မိခင်က ဖခင်ခေါင်းချသွားတဲ့ အဲဒီအိမ်အိုမှာပဲ နှစ်တော်တော်ကြာ နေထိုင်ခဲ့ပါတယ်။
ဆင်းရဲနွမ်းပါးခြင်းက မီရှဲလ်ကိုရုန်းကန်လှုပ်ရှားလိုတဲ့စိတ်ဓာတ် မွေးမြူပေးခဲ့ပါတယ်။ မီရှဲလ်ဟာ ငယ်ငယ်လေးကတည်းက အတန်းပညာမှာ ထူးချွန်ထက်မြက်သူဖြစ်ခဲ့တယ်။ ၁၉၈၁ခုနှစ်မှာ Princeton တက္ကသိုလ်ကို မီရှဲလ်တက်ရောက်ခွင့်ရပြီး Sociologyကို အထူးပြုဘာသာရပ်အဖြစ်၊ အာဖရိကဖွား အမေရိကန်နိုင်ငံသားသမိုင်း (African-American History) ကို တွဲဖက်ဘာသာရပ်အဖြစ် သူသင်ယူလေ့လာခဲ့ပါတယ်။ ၄နှစ်တာကာလပြီးဆုံးသွားတဲ့အခါ မီရှဲလ်ဟာ ထူးကဲတဲ့အမှတ်နဲ့ ကျောင်းပြီးသွားခဲ့ပြီး ဟားဗတ်ဥပဒေတက္ကသိုလ်ကို ဝင်ရောက်ဖြေဆိုခဲ့ပါတယ်။ ၁၉၈၈ခုနှစ်မှာ ဟားဗတ်ဥပဒေတက္ကသိုလ်ကနေ Ph.Dဘွဲ့ကို ရရှိခဲ့ပါတယ်။
၁၉၈၉ခုနှစ်မှာ Barack Obamaလို့ခေါ်တဲ့ ဟားဗတ်ဥပေဒေကျောင်းသားလူရွယ်တစ်ဦးဟာ မီရှဲလ်ရှိနေတဲ့ ရှေ့နေရုံးမှာ နွေကျောင်းပိတ်ရက်လေ့လာသင်ယူသူအဖြစ်နဲ့ လာရောက်ခဲ့ပါတယ်။ သူ့ကို မီရှဲလ်ကတာဝန်ယူ ကြီးကြပ်သင်ကြားပေးရပါတယ်။ အဲဒီရှေ့နေရုံးမှာ သူတို့နှစ်ယောက်ပဲလူမည်းဖြစ်တာကြောင့် အလုပ်ထဲမှာ သူတို့ဟာစရိုက်တူ၊ အကြိုက်တူတွေဖြစ်ခဲ့ကြတယ်။ အိုးဘားမားက အလုပ်မှာ အရမ်းထူးချွန်ထက်မြက်သူမဟုတ်ခဲ့ပေမယ့် တစ်နေ့မှာ လုပ်ဖော်ကိုင်ဖက်တွေကို အံ့သြမှုတစ်ခု သူပေးခဲ့ပါတယ်။ အဲဒီအံ့သြမှုက မီရှဲလ်ကို သူချစ်ခွင့်ပန်နိုင်ခဲ့လို့ပဲဖြစ်ပါတယ်။
နှစ်အတော်ကြာပြီးတဲ့နောက်မှာ အိုးဘားမားက သူရဲ့အမှတ်တရကိုယ်တွေ့မှတ်တမ်းထဲမှာ သူရဲ့ချစ်ခြင်းအကြောင်းကို ဒီလိုရိုးရိုးရှင်းရှင်းဖွင့်ဆိုခဲ့ပါတယ်။ “နောက်ဆုံးမှာ သူ့ကို ကျွန်တော်အလဲဖြိုနိုင်ခဲ့ပါတယ်”။ ၁၉၉၂ခုနှစ် အောက်တိုဘာလ ၁၈ရက်နေ့မှာ သူတို့မင်္ဂလာဆောင်ခဲ့ကြပါတယ်။
အမေရိကန် Newsweek သတင်းစာရဲ့ ထုတ်ပြန်ချက်အရ မီရှဲလ်ဟာ မင်္ဂလာဆောင်ပြီးလည်း ညတိုင်း ၉နာရီခွဲမှာ ပုံမှန်အိပ်ရာဝင်ပြီး မနက် ၄နာရီခွဲမှာအိပ်ရာထတယ်လို့ ဆိုပါတယ်။ ပြေးစက်ပေါ်မှာ ခဏလောက်ပြေးပြီး ခြင်းထဲပစ်ထည့်ထားတဲ့ လင်ယောက်ျားရဲ့ဝတ်ပြီးသားအဝတ်တွေကို သိမ်းဆည်းတယ်၊ သန့်ရှင်းရေးလုပ်တယ်၊ အဲဒီနောက် မနက်စာပြင်ဆင်ပြီး သမီးကို အချိန်ကိုက်အိပ်ရာနှိုးတယ်။ အိုးဘားမားက အမြဲတမ်း ဇနီးဖြစ်သူကို ချီးမွမ်းထောပနာပြုပါတယ်။ မီရှဲလ်ဟာ အရာရာကို လိုလေသေးမရှိအောင် ပြင်ဆင်နိုင်တယ်လို့ အိုးဘားမားကဆိုပါတယ်။ “သူဟာ အိမ်ထောင့်တာဝန်ကို ကျွမ်းကျွမ်းကျင်ကျင်ထိန်းသိမ်းနိုင်သူပါ။ သူ့အဆင့်ကို ကျွန်တော်ဘယ်တော့မှ မီနိုင်မှာ မဟုတ်ပါဘူး”လို့ အိုဘားမားကဆိုခဲ့ပါတယ်။
အိုဘားမား အိမ်ဖြူတော်ရောက်ပြီးနောက် မီရှဲလ်ကို အမေရိကန်လူမျိုးတွေနှစ်သက်စေခဲ့တဲ့ လုပ်ရပ်တစ်ခုက သူဟာ မိခင်ကောင်း၊ ဇနီးကောင်းတစ်ဦးအဖြစ် သရုပ်ဆောင်နိုင်ခဲ့လို့ဖြစ်တယ်။ လူအများက ဒါဟာ သူရဲ့တကယ့်စစ်မှန်တဲ့ သရုပ်ဆောင်ချက်မဟုတ်ဘူးလို့ ထင်ခဲ့ကြတယ်။ မီရှဲလ်ရဲ့ဟောပြောမှုတွေကလည်း လင်ယောက်ျားဖြစ်သူလောက် မညံ့တာကိုလည်း တွေ့ခဲ့ရပါတယ်။ ဒါပေမယ့် ဟောပြောတိုင်း သူဟာ သူ့သမီးအကြောင်းနဲ့ သာမန်မိန်းကလေးတွေရဲ့အတွေ့အကြုံကိုပဲ ပြောခဲ့ပါတယ်။ လင်ယောက်ျားနဲ့ မိသားစုအကြောင်းကိုလည်း ထပ်တလဲလဲပြောဆိုတတ်ခဲ့ပါတယ်။ သူ့ကိုယ်သူမိတ်ဆက်ပေးပါလို့ မီရှဲလ်ကို လူတွေတောင်းဆိုတဲ့အခါ သူက များသောအားဖြင့် “ပထမဆုံး ပြောချင်တဲ့အရေးပါတဲ့ စကားတစ်ခွန်းက ကျွန်မဟာ ကလေးနှစ်ယောက်မိခင်ဖြစ်ပါတယ်”ဆိုတာပဲဖြစ်တယ်။
သမီးနှစ်ယောက်အပေါ် မီရှဲလ်စည်းကမ်းတင်းကြပ်လွန်းခဲ့ပါတယ်။ “အပြင်ကို ပျော်ပွဲစားထွက်၊ ခရီးထွက်တဲ့အခါ ကျောင်းက အိမ်စာလုပ်ပါလို့ မတောင်းဆိုပေမယ့် သူတို့တွေ့ခဲ့တာ ကြားခဲ့တာတွေကို ရေးမှတ်ရပါတယ်”၊ “စနေ၊ တနင်္ဂနွေနေ့မဟုတ်ရင် ရုပ်ရှင်တီဗီမကြည့်ရပါဘူး”၊ “ကွန်ပျူတာဆိုတာ အိမ်စာလုပ်ဖို့အတွက်ပါ”…. စတာတွေဖြစ်တယ်။ အမေရိကန်နိုင်ငံရေးသမား တော်တော်များများက သူတို့ကလေးကို မီရှဲလ်လက်ထဲအပ်ချင်ပါတယ်လို့ ရယ်စရာအဖြစ် ပြောခဲ့ကြပါတယ်။
၂ဝ၁၂ခုနှစ် သမ္မတရွေးကောက်ပွဲမှာ ပထမဆုံးအကြိမ်ဟောပြောရတော့ အိုဘားမားဟာ ဟောပြောစင်မြင့်ထက်တက်ပြီး တီဗီကြည့်ပရိသတ်ထောင်ပေါင်းများစွာကို “ဒီကနေ့ညမှာ ကျွန်တော်ပြောစရာတွေ အများကြီးရှိပါတယ်။ ဒါပေမယ့် အရေးအကြီးဆုံးအချက်က လွန်ခဲ့တဲ့အနှစ်၂ဝမှာ ကျွန်တော်ဟာ ကမ္ဘာပေါ်မှာ ကံအကောင်းဆုံးယောက်ျားဖြစ်ခဲ့ပါတယ်။ အကြောင်းက ကျွန်တော်နဲ့လက်ထပ်ဖို့ မီရှဲလ်သဘောတူခဲ့လို့ပါ” လို့ပြောခဲ့ပါတယ်။
မီရှဲလ်ကလည်း ပရိသတ်သန်းပေါင်းများစွာရှိတဲ့ သူ့ Twitterမှာ “နှစ် ၂ဝမြောက် လက်ထပ်မင်္ဂလာရက်မြတ်ပါ.. Barack ။ နေ့စဉ်နေ့တိုင်း အဖော်ကောင်း၊ သူငယ်ချင်းကောင်း၊ ဖခင်ကောင်းတစ်ဦးအဖြစ် ရှင်လုပ်ဆောင်ခဲ့တဲ့အတွက် ကျေးဇူးတင်ပါတယ်။ I love you” ဆိုပြီး ရေးသားခဲ့ပါတယ်။
ခေတ်ဆန်တဲ့ဝတ်စားဆင်ယင်မှု
အိုဘားမား အိမ်ဖြူတော်ရောက်ပြီးနောက် မီရှဲလ်ဟာ အမေရိကန်သမ္မတကတော်ရဲ့ အချက်၂ချက်ကို မှတ်တမ်းတင်နိုင်ခဲ့ပါတယ်။
(၁) သူဟာ ပထမဆုံးသော အာဖရိကလူမျိုး သမ္မတကတော်ဖြစ်တယ်။
(၂) သူဟာ အရပ်အမြင့်ဆုံး သမ္မတကတော်ဖြစ်တယ်။ သူ့အရပ်က ၅ပေ ၁၁လက်မရှိပါတယ်။
အများနဲ့မတူ တစ်မူထူးတဲ့မီရှဲလ်ရဲ့ ဝတ်စားဆင်ယင်ပုံက အမေရိကန်လူမျိုးတို့ရဲ့ ဖက်ရှင်လေညွှန်တံဖြစ်ခဲ့ပါတယ်။ ၂ဝဝ၉ခုနှစ် အိုဘားမား ကျမ်းသစ္စာကျိန်ဆိုတဲ့အခမ်းအနားမှာ မီရှဲလ်ဟာ အဖြူရောင်ပိုးထည်ဂါဝန်ရှည်ကို ဝတ်ဆင်ခဲ့ပါတယ်။ ညာပခုံးဘက်မှာပဲ အဝတ်စတင်ထားတဲ့ဝတ်စုံနဲ့ မီရှဲလ်ဟာ ပရိသတ်အများကို ညှို့ငင်ဖမ်းစားနိုင်ခဲ့ပါတယ်။ အိုဘားမားက ပရိသတ်အများရဲ့ရှေ့မှာ “ပထမဆုံးအချက်က ကျွန်တော့်ဇနီး ချောလား”လို့ မေးခဲ့ပါတယ်။
၂ဝ၁၂ခုနှစ် စက်တင်ဘာလမှာ မီရှဲလ်ဟာ တစ်နိုင်ငံလုံးဆိုင်ရာ ဒီမိုခရက်တစ် အစည်းအဝေးကိုတက်ရောက်တော့ ပန်းရောင်ဂါဝန်ရှည်ကို ဝတ်ဆင်ခဲ့ပြီး ကျော့ရှင်းကြံ့ခိုင်တဲ့ လက်မောင်းသားအလှကို ဖော်ခဲ့ပါတယ်။ လက်သည်းကိုတော့ အတွေ့ရနည်းတဲ့ ခဲခရမ်းရောင်ဆိုးထားပါတယ်။ အဲဒီတစ်ညအပြီးမှာ သူ့ပုံစံတူဂါဝန်နဲ့ လက်သည်းဆိုးဆေး ပစ္စည်းပြတ်သွားတယ်လို့ သိရပါတယ်။
“People” မဂ္ဂဇင်းက မီရှဲလ်ကို “မီရှဲလ်ဟာ ရွေးကောက်ပွဲတစ်လျှောက်လုံးမှာ မိမိကိုယ်ကိုယ်ယုံကြည်မှုတွေ ထုတ်လွှတ်ခဲ့ပါတယ်။ လူအများကို အံ့အားသင့်မှုတွေ ပေးနိုင်ခဲ့ပါတယ်။ သူရဲ့ရည်မွန်ကျော့ရှင်းတဲ့အပြင်အဆင်ကြောင့် ယခင်နာမည်ကြီးသမ္မတကတော်ကို လူတွေ သတိရစေခဲ့တယ်”လို့ ပြောဆိုခဲ့ပါတယ်။ ဒီအပြောဟာ မီရှဲလ်ရဲ့သပ်ရပ်ရည်မွန်တဲ့ပြင်ဆင်မှုက ယခင်သမ္မတကတော် Jacqueline Kennedy နဲ့ခပ်ဆင်တင်တူတယ်လို့ ဆိုလိုတာဖြစ်ပါတယ်။
အစားအစာနဲ့ ပျော်ရွှင်ပွဲတွေမှာလည်း မီရှဲလ်ရဲ့ပင်ကိုစရိုက်က ကွဲပြားခြားနားပါတယ်။ “ဒေသခံ နယ်ခံအစားအစာတွေကို သူအရမ်းစိတ်ဝင်စားတယ်”လို့ သမ္မတမိသားစုရဲ့အစားအစာနဲ့ အာဟာရကို အထူးမှတ်တမ်းတင်တဲ့အဖွဲ့ရဲ့ အွန်လိုင်းစီမံခန့်ခွဲမှူး Cohenက အခုလိုပြောကြားခဲ့ပါတယ်။ “ဒီရာသီမှာ စားသောက်ဆိုင်က ဘာအစားအစာကို အဓိကထားတယ်ဆိုရင် သူကအဲဒီအစားအစာကိုစားတော့တာပဲ” လို့ဆိုခဲ့ပါတယ်။
မီရှဲလ်ဟာ ကျန်းမာရေးလိုက်စားသူလည်းဖြစ်တယ်။ သူရဲ့ကျန်းမာရေးလိုက်စားတဲ့အကျင့်ကို ယနေ့အမေရိကန်အမျိုးသမီးတော်တော်များများက အတုယူနေပြီဖြစ်တယ်။ အပြေးလေ့ကျင့်၊ Yoga လုပ်တာအပြင် သူဟာ သမီးနှစ်ယောက်နဲ့အတူ တင်းနစ်ကစားပါသေးတယ်။ “သူ့ရဲ့ လက်သင့်ရိုက်ချက်(forehand)က အရမ်းကောင်းသလို လက်ပြန်ရိုက်ချက်(backhand)ကလည်း သန်တယ်”လို့ သူတို့ရဲ့နည်းပြဆရာကပြောပါတယ်။ မီရှဲလ်ရဲ့ “ထုဆစ်ထားတယ်လို့ထင်ရတဲ့ လက်ရုံးကြွက်သားနှစ်ခု” ကို အမေရိကန်သတင်းထောက်တွေက “အမေရိကန်ရဲ့အင်အားကိုပြတဲ့ သင်္ကေတ”လို့ တင်စားခဲ့ကြပါတယ်။
သမ္မတကတော်ဖြစ်ပြီးတဲ့နောက် မီရှဲလ်ဟာ အိမ်ဖြူတော်တံခါးကိုဖွင့်ခဲ့ပါတယ်။ ပရိသတ်ပြည်သူတွေနဲ့ ရင်းနှီးနွေးထွေးမှုရယူပြီး ကျန်းမာတဲ့အစားအစာ၊ ကျန်းမာတဲ့ဘဝနေထိုင်မှုတွေကို တိုးချဲ့ပြန့်ကားစေခဲ့ပါတယ်။ အားနွဲ့အုပ်စုနဲ့ ကလေးသူငယ်တွေရဲ့ လုံခြုံဘေးကင်းရေးကို ဂရုစိုက်ခဲ့ပါတယ်။ အိုဘားမားကိုအဖော်ပြုပြီး ကမ္ဘာ့အရပ်ရပ်လှည့်လည်မေးမြန်းမှုတွေ ပြုလုပ်ခဲ့တဲ့အပြင် သူ့တစ်ယောက်တည်းလည်း လှည့်လည်မေးမြန်းမှုတွေ ပြုလုပ်ခဲ့တာကြောင့် သူ့ကို “နှလုံးလှသံတမန်”၊ “ပရဟိတလေဒီ”အဖြစ် တင်စားခံခဲ့ရပါတယ်။ မီရှဲလ်ဟာ အမေရိကန်သမိုင်းမှာ အချောအလှဆုံး သမ္မတကတော်မဟုတ်ပေမယ့် သူဟာ ဆွဲဆောင်မှုအရှိဆုံးသမ္မတကတော်ဖြစ်တယ်လို့ပြောရင် ငြင်းဆန်မယ့်သူရှိမှာမဟုတ်ကြောင်း နယူးယောက်သတင်းစာက ပြောကြားခဲ့ပါတယ်။
သူ့ရဲ့နိုင်ငံရေးအမြင်နဲ့ပတ်သက်တဲ့ နောက်ဆုံးတစ်ပိုဒ်ကျန်ပါသေးတယ်... ဆက်ပါဦးမယ်..
ဟားဗတ်တက္ကသိုလ်ကျောင်းပြီးထားတဲ့ မီရှဲလ်ဟာ အမေရိကန်နိုင်ငံသားတော်တော်များများရဲ့အမြင်မှာ အသိဉာဏ်ပညာ ထူးချွန်ထက်မြက်သူလို့ မြင်ထားကြပါတယ်။ သူရဲ့အတွေးအခေါ်က ကြည်လင်ရှင်းလင်းတယ်၊ စကားပြောရာမှာ ဟာသဉာဏ်ပါပြီး ပွင့်ပွင့်လင်းလင်း ဒဲ့ဒိုးပြောတတ်တယ်၊ ပရိသတ်အများရှေ့မှာ သူဟာမိမိကိုယ်ကိုယ်ယုံကြည်မှုအပြည့်ရှိသူ၊ ရဲရင့်ပြတ်သားသူ၊ ဆင်ခြင်ဉာဏ်ရှိသူဖြစ်တယ်။ သူ့မှာ ကြံ့ခိုင်တဲ့စရိုက်ရှိသလို အမျိုးသမီးမှာရှိအပ်တဲ့ နူးညံ့သိမ်မွေ့မှုလည်းရှိတယ်။ ဒီလို ကောင်းမွန်တဲ့အချက်တွေကြောင့် သူဟာ နိုင်ငံရေးလောကမှာ တောက်ပတဲ့ကြယ်တစ်ပွင့်ဖြစ်လာနိုင်တယ်လို့ လူတွေက ခန့်မှန်းကြပါတယ်။
အမေရိကန်AP သတင်းဌာနနဲ့ Yahoo တို့ ၂ဝဝ၈ခုနှစ် ဂျူလိုင်လမှာ ကျင်းပပြုလုပ်ခဲ့တဲ့ လူထုသဘောထားစစ်တမ်းကောက်ယူမှုတစ်ခုမှာ ၃ဝ% က သူ့ကိုနှစ်သက်ပြီး ၃၅%ကို သူ့ကိုမနှစ်သက်ဘူးလို့ ဆိုခဲ့ကြပါတယ်။ နောက် ၄နှစ်အကြာမှာ အမေရိကန်AP သတင်းဌာနနဲ့ Gallup တို့ ပြုလုပ်ခဲ့တဲ့ စစ်တမ်းကောက်ယူမှုမှာတော့ အမေရိကန်နိုင်ငံသား ၆၄% က သူ့ကိုနှစ်သက်ကြပြီး အိုဘားမားထက် ၅၃% သာလွန်တဲ့ နှစ်သက်မှုကိုရခဲ့ပါတယ်။ အမေရိကန်မီဒီယာတော်တော်များများက နောင်တစ်ချိန်မှာ မီရှဲလ်သမ္မတအဖြစ်ရွေးချယ်ခဲ့ရင် အောင်မြင်မှုရနိုင်တယ်လို့ ခန့်မှန်းခဲ့ကြပါတယ်။
၂ဝဝ၈ခုနှစ် သမ္မတရွေးကောက်ပွဲမှာပါဝင်မယ်လို့ အိုဘားမားမကြေညာခင်မှာ မီရှဲလ်ဟာ လုပ်ငန်းထဲက ထက်မြက်တဲ့အမျိုးသမီးတစ်ဦးပါ။ သူရဲ့တစ်နှစ်လစာက ဒေါ်လာ ၂သိန်း၇သောင်းကျော်ရှိခဲ့ပြီး အိုဘားမားလစာရဲ့ နှစ်ဆရှိပါတယ်။ ဒါပေမယ့် အိုဘားမား ရွေးကောက်ပွဲအောင်မြင်ဖို့ မီရှဲလ်ဟာ လစာကောင်းတဲ့အလုပ်ကထွက်ပြီး လင်ယောက်ျားကို အားပေးထောက်ခံပံ့ပိုးခဲ့ပါတယ်။ အိမ်ဖြူတော်ကိုရောက်ရှိပြီးတဲ့နောက်မှာလည်း မီရှဲလ်ဟာ အိုဘားမားရဲ့ အရေးကြီးတဲ့နိုင်ငံရေးဆွေးနွေးမှုမှာ ပါဝင်အားဖြည့်ခဲ့ပါတယ်။ အိုဘားမားရဲ့ “နံပါတ်တစ် ပါဝင်ဆွေးနွေးသူ”ဖြစ်ခဲ့ပါတယ်။
နယူးယောက်သတင်းစာ အိမ်ဖြူတော်တာဝန်ခံသတင်းထောက် Jodi Kantor က မီရှဲလ်ရဲ့ကြံ့ခိုင်သန်မာမှုက အိုဘားမားနဲ့ ပေါင်းသင်းဆက်ဆံရာမှာလည်း ပိုသိသာမြင်သာတယ်လို့ ဆိုပါတယ်။ “သူ့စရိုက်က သန်မာကြံ့ခိုင်တယ်။ သူက တကယ့်ပဲ ကြံ့ခိုင်တဲ့အမျိုးသမီးလို့ ကျွန်မထင်တယ်။ အရမ်းထူးချွန်ထက်မြက်တဲ့ မိခင်ကောင်းနဲ့ ဇနီးကောင်းတစ်ဦးပါ”။ သတင်းထောက် Peter Baker ကလည်း ဒီအဆိုကိုထောက်ခံခဲ့ပါတယ်။ “သူက ပြတ်သားရဲရင့်သူတစ်ဦးပါ။ သမ္မတရဲ့လုပ်ငန်းဆောင်တာကို သူအရမ်းဂရုစိုက်တယ်၊ သူ့အမျိုးသား ဘာလုပ်နေသလဲဆိုတာကို သူအရမ်းနားလည်တယ်။ သူ့ကို အိုဘားမားရဲ့ ကြာပွတ်ကိုကိုင်ဆောင်ထားသူလို့ ထင်မြင်ကြတယ်။ ပြီးတော့ အိုဘားမားကို စစ်မှန်ရိုးသားရမယ်လို့ သူအမြဲသတိပေးတယ်။ အိုဘားမားလုပ်တဲ့ နည်းလမ်းတွေကိုလည်း မေးမြန်းတတ်တယ်။ ဘာကြောင့် ဒီလိုလုပ်ရသလဲဆိုတဲ့ အကြောင်းရင်းကိုလည်း မေးမြန်းတတ်တယ်”။
အမေရိကန် NBC သတင်းဌာနာက သတင်းထောက် Richard Wolf က မီရှဲလ်ဟာ အိုဘားမားထက် ယှဉ်ပြိုင်ခြင်းကို ပိုနှစ်သက်တယ်လို့ ဆိုပါတယ်။ အလုပ်ကိုပြီးမြောက်အောင် မလုပ်နိုင်သူတွေကို သူမညှာဘူးလို့လည်း ဆိုတယ်။ အိမ်ဖြူတော်နိုင်ငံရေးမှာ မီရှဲလ်ဟာ သြဇာသက်ရောက်မှုရှိတယ်လို့ သူက ဆိုပါသေးတယ်။ အိုဘားမားက သူ့ရဲ့အကြံပေးအဖွဲ့တွေကို “မင်းတို့သိလား… မီရှဲလ်အရမ်းစိတ်ဆိုးနေတယ်၊ အဖွဲ့ရဲ့ဦးတည်ချက်က မကြည်လင် မပြတ်သားဘူးလို့ သူကဆိုတယ်။ အဖွဲ့မှာ စည်းလုံးမှုလျော့နည်းနေတယ်လို့ သူတွေ့ထားတယ်။ ပြီးတော့ စေ့စပ်သေချာတဲ့ စီမံကိန်းလည်းမရှိဘူးလို့ ဆိုတယ်”လို့ ပြောတတ်ပါတယ်။
နောင်တစ်ချိန်မှာ အမေရိကန်သမ္မတအဖြစ် ဝင်ရောက်ရွေးချယ်မလား။ ဒီလို အဆိုကြမ်းက အမေရိကန်မီဒီယာတွေကို ဘယ်တော့မှ မပျင်းရိ မပင်ပန်းစေခဲ့ပါဘူး။ မီရှဲလ်ကတော့ ဒီအမေးကို အရယ်နဲ့ပဲ တုန့်ပြန်ခဲ့ပါတယ်။
“အမေရိကန်မှာ အမျိုးသမီးသမ္မတတစ်ဦး ထွက်ပေါ်လာချိန်ရောက်ပါပြီ။ ဒါပေမယ့် အဲဒီအမျိုးသမီးက ကျွန်မတော့မဟုတ်ပါဘူး”
၂ဝ၁၆ခုနှစ်မှာ ဟီလာရီကလင်တန်က အမေရိကန်တစ်နိုင်ငံလုံးရဲ့ အာရုံစိုက်သူဖြစ်နေပါတယ်။ အဲဒီနောက်မှာရော… လူတွေက မီရှဲလ်ကို မေ့မထားလောက်ကြပါဘူး။ The Wall Street ဂျာနယ်ကပြောခဲ့သလိုပေါ့… အရာအားလုံးဖြစ်နိုင်ပါတယ်….မီရှဲလ်က အခုမှ အသက် ၅ဝပဲရှိသေးတယ်ဆိုတာကို မေ့မထားကြပါနဲ့။
မူရင်းရေးသားသူ -- Xu Donghai (徐东海)
မူရင်း -- ၂ဝ၁၄ ခုနှစ် အမှတ်စဉ် ၁ဝ မေလထုတ် တရုတ်Readers မဂ္ဂဇင်းမှ
နိုင်းနိုင်းစနေ (May. 22. 2014)
